નવ વર્ષની બાળકીના પેટમાંથી સાડા ત્રણ કિલોથી વધુ વજનનો વાળનો ગુચ્છો કાઢવામાં આવ્યો છે. અમદાવાદના મણિનગર સ્થિત મહાનગરપાલિકા સંચાલિત એલ.જી. હોસ્પિટલના તબીબો દ્રારા બે કલાક સુધી સર્જરી ચાલી હતી. શારીરિક વિકાસમાં અવરોધ અને એનિમિયાના કારણે આ બાળકીને તાજેતરમાં હોસ્પિટલમાં લાવવામાં આવી હતી.ત્યાબાદ ડોકટરોની સલાહ પર બાળકીના પેટમાં સીટી સ્કેન કરવામાં આવ્યું હતું.સીટી સ્કેન બાદ પેટમાંથી વાળનો ગુચ્છો હોવાનું તારણ મળ્યું હતું ત્યારબાદ ડોકટરોએ બાળકીનું ઓપરેશન કરવાનો નિર્ણય લીધો. તબીબોના જણાવ્યા અનુસાર બાળકીના પેટમાં એટલા બધા વાળ હતા કે આંતરડા સુધી એક બંડલ હતું, જેની લંબાઈ લગભગ ૭૦ સેન્ટિમીટર હતી. સર્જરી વિભાગના વડા ડો.આસિત વોરાના નેતૃત્વમાં ડો.આકાશ રાઠોડ, ડો.હિતેશ અંધારિયા અને ડો.નિશિત ચૌધરીની ટીમે આ જટિલ ઓપરેશન પાર પાડું હતું. ઓપરેશન બાદ બાળકીની હાલત સારી હોવાનું કહેવાય છે અને તેને ટૂંક સમયમાં હોસ્પિટલમાંથી રજા આપવામાં આવશે.

સાત વર્ષથી વાળ ખાવાની આદત
હોસ્પિટલના તબીબોનું કહેવું છે કે બાળકીને છેલ્લા સાત વર્ષથી વાળ ખાવાની આદત પડી ગઈ હતી. તેણે બે વર્ષની ઉંમરથી આ કરવાનું શ કયુ. તેના માતા–પિતાને પણ આ વાતની જાણ ન હતી. તબીબોના જણાવ્યા અનુસાર બાળકીના પેટમાં એટલા બધા વાળ હતા કે આંતરડા સુધી પહોંચી ગયા હતા.

માનસિક બીમારી
પેટમાંથી દૂર કરાયેલા વાળના આ ગઠ્ઠાને તબીબી ભાષામાં ટ્રાઇકોબેઝોઅર અથવા રેપુંઝેલ સિન્ડ્રોમ કહેવામાં આવે છે. આ પ્રકારની આદત એક માનસિક બીમારી છે.જેમાં વ્યકિતને વાળ ખાવાની ટેવ પડી જાય છે.