કાશ્મીર ફાઇલ્સ પછી હવે ખુલશે 'ધ દિલ્હી ફાઇલ્સ'

નિર્માતા વિવેક અગ્નિહોત્રી વધુ એક બ્લોકબસ્ટર કોન્સેપ્ટ સાથે દર્શકો સમક્ષ આવશે, ટીઝર રિલીઝ

ધ કાશ્મીર ફાઇલ્સ પછી, ફિલ્મ નિર્માતા વિવેક અગ્નિહોત્રી હવે વધુ એક બ્લોકબસ્ટર કોન્સેપ્ટ સાથે દર્શકો સમક્ષ આવી રહ્યા છે , જેનું નામ છે દિલ્હી ફાઇલ્સ. તેનું ટીઝર તાજેતરમાં રિલીઝ થયું હતું, જ્યાં મિથુન ચક્રવર્તી મૂંઝવણ અને પરેશાનીમાં બોલતા જોવા મળ્યા હતા.જે લોકોને ખુબ પસંદ આવી રહ્યું છે.

ફિલ્મ નિર્માતા વિવેક અગ્નિહોત્રીએ તેમની ફિલ્મ 'ધ કાશ્મીર ફાઇલ્સ'થી ફિલ્મ ઉદ્યોગમાં ખળભળાટ મચાવી દીધો હતો. પોતાની ફિલ્મમાં તેમણે કાશ્મીરમાં કાશ્મીરી પંડિતોના નરસંહારની વાર્તા વર્ણવી હતી. આ અંગે ઘણો વિવાદ થયો હતો. પરંતુ હવે તે બંગાળની મોટી વાર્તાને પડદા પર બતાવવા માટે તૈયાર છે. તેમની ફિલ્મ 'ધ દિલ્હી ફાઇલ્સ: ધ બેંગાલ ચેપ્ટર'નું ટીઝર તાજેતરમાં રિલીઝ થયું હતું, જેણે ચાહકોમાં ખૂબ જ ચર્ચા જગાવી છે.

'ધ દિલ્હી ફાઇલ્સ: ધ બંગાળ ચેપ્ટર'નું ટીઝર ખૂબ જ સ્ટ્રોંગ બનાવાયું છે. આ ફિલ્મમાં મિથુન ચક્રવર્તી એક મહત્વપૂર્ણ ભૂમિકામાં છે. ટીઝર પણ તેમની સાથે શરૂ થાય છે. મિથુનને ખૂબ જ વૃદ્ધ અને પરેશાન બતાવવામાં આવ્યો છે. જાણે કે દિલ્હીમાં બની રહેલી ઘટનાઓથી તે કદાચ દુઃખી થયો હોય. મિથુન ભારતીય બંધારણની પ્રસ્તાવનાનું પુનરાવર્તન કરવાનું ચાલુ રાખે છે. તે જ્યાં આખરે અટકે છે, ત્યાં દિવાલ પર એક મહિલાનો ફોટો છે, જે ભારતીય ત્રિરંગો પોતાની છાતી પર પકડી રાખે છે. બાજુની દિવાલ પર એક માણસ છે જેના વિચારો સોશિયલ મીડિયાની દુનિયામાં કેદ થયેલા બતાવવામાં આવ્યા છે.

ચાહકોને મિથુનનું પાત્ર અને બોલવાની રીત ખૂબ જ પસંદ આવી રહી છે. યુઝર્સ તેને વર્ષની બહુપ્રતિક્ષિત ફિલ્મ કહી રહ્યા છે. આ ફિલ્મની વાર્તા ૧૯૪૬ના ધ ગ્રેટ કલકત્તા કિલિંગ પર આધારિત હોવાનું કહેવાય છે, જેણે સમગ્ર દેશને ચોંકાવી દીધો હતો. આ રમખાણોમાં લગભગ 5000 લોકો માર્યા ગયા હોવાનું જાણવા મળ્યું છે. સેંકડો લોકો ઘાયલ થયાના અહેવાલ છે.

થોડા દિવસો પહેલા જ, વિવેક અગ્નિહોત્રીએ એક પોસ્ટ શેર કરી હતી અને આ ઘટનાની વિગતો પર પ્રકાશ પાડ્યો હતો.આ ફિલ્મ ૧૫ ઓગસ્ટ ૨૦૨૫ ના રોજ રિલીઝ થશે. વિવેકની ફિલ્મ દર્શકો પર કેટલી અસર કરે છે તે જોવું રસપ્રદ રહેશે.