બોલિવૂડ સુપરસ્ટાર શાહરૂખ ખાનને જાનથી મારી નાખવાની ધમકી મળી છે. એક તરફ સલમાન ખાનને લોરેન્સ બિશ્નોઈ દ્વારા સતત ધમકીઓ મળી રહી છે તો બીજી તરફ હવે શાહરૂખ ખાનને પણ ધમકીઓ મળી રહી છે. સૂત્રોના જણાવ્યા અનુસાર, ધમકીભર્યો કોલ ફૈઝાન નામના વ્યક્તિ દ્વારા કરવામાં આવ્યો હતો, જે રાયપુરનો રહેવાસી હોવાનો કહેવાયમાં આવી રહ્યું છે. તેને પોલીસે પકડી લીધો હોવાનું સૂત્રાએ જણાવ્યું હતું.
મળતી માહિતી મુજબ બાંદ્રા પોલીસ સ્ટેશનમાં ધમકીભર્યો કોલ કરવામાં આવ્યો હતો. આ દરમિયાન 50 લાખની માંગણી કરવામાં આવી હતી. આ દરમિયાન જ્યારે તેને 50 લાખ રૂપિયા આપવાનો ઈન્કાર કરવામાં આવ્યો તો તેણે શાહરૂખ ખાનને મારી નાખવાની ધમકી આપી. જ્યારે તેનો કોલ ટ્રેસ કરવામાં આવ્યો તો તે રાયપુરનો હોવાનું બહાર આવતાં પોલીસે તેની ધરપકડ કરી હતી.
જોકે, આ પહેલીવાર નથી આ પહેલા પણ વર્ષ 2023માં પઠાણ અને જવાન ફિલ્મની સફળતા બાદ પણ તેને જાનથી મારી નાખવાની ધમકીઓ મળી છે, ત્યારબાદ સુરક્ષા વધારી દેવામાં આવી છે.
આ મામલામાં 5 નવેમ્બરે એફઆઇઆર નોંધવામાં આવી છે. પોલીસના જણાવ્યા અનુસાર ધમકી આપ્નાર વ્યક્તિએ ફોન પર કહ્યું: હું બેન્ડ સ્ટેન્ડના શાહરૂખ ખાનને મારી નાખીશ. આ દરમિયાન જ્યારે તેને તેનું નામ પૂછવામાં આવ્યું તો તેણે કહ્યું કે તેનાથી મને કોઈ ફરક નથી પડતો.