'રાઝી'ફેમ એક્ટર અશ્વથ ભટ્ટ તાજેતરમાં ઈસ્તાંબુલ ગયા હતા અને ત્યાં લૂંટારાઓએ હુમલો કર્યો હતો. લૂંટારાઓએ અશ્વથની પીઠ પર હુમલો કર્યો અને બેગ છીનવી લેવાનો પ્રયાસ કર્યો અને તે ચોંકી ગયો અને અશ્વથ થામાએ આખીઆપવીતી જણાવી હતી અને કહ્યું કે તેના મિત્રોએ તેને અગાઉથી ચેતવણી આપી હતી.બોલિવૂડના પ્રખ્યાત અભિનેતા અશ્વથ ભટ્ટ સાથે ઈસ્તાંબુલમાં આવી જ ભયાનક ઘટના બની, જે તેણે ક્યારેય સપનામાં પણ નહીં વિચાર્યું હોય. ઈસ્તાંબુલમાં કેટલાક લૂંટારાઓએ અશ્વથ ભટ્ટ પર હુમલો કર્યો અને લૂંટફાટ શરૂ કરી દીધી. અશ્વથ ભટ્ટ વેકેશન પર ઈસ્તાંબુલ ગયા હતા, પરંતુ તેમને ખબર ન હતી કે તેમનું વેકેશન એક દુઃસ્વપ્ન બની જશે. સદ્દનસીબે કોઈ અનિચ્છનીય બનાવ ટળ્યો હતો. 'રાઝી', 'હૈદર', 'સીતા રામમ', 'મિશન મજનૂ', 'ફેન્ટમ' અને 'કેસરી' જેવી ફિલ્મોનો હિસ્સો રહી ચૂકેલા અશ્વથ ભટ્ટે જણાવ્યું કે ઈસ્તાંબુલમાં ખિસ્સાકાતરી વિશે ચેતવણીઓ હોવા છતાં તેમને આવી હિંસક એન્કાઉન્ટરની અપેક્ષા નહોતી. અશ્વત ભટ્ટે જણાવ્યું કે 'હું ગલતા ટાવર તરફ જઈ રહ્યો હતો. પછી એક માણસ મારી પાસે આવ્યો. તેના હાથમાં સાંકળ હતી અને હું શું થઈ રહ્યું છે તે સંપૂર્ણપણે સમજી શકું તે પહેલાં તેણે મને પીઠ પર માર્યો. પાછળ જોતાં, તે એક સંપૂર્ણ ગેંગ હતી, સાથે કામ કરતી હતી. તે મારી બેગ છીનવવાનો પ્રયાસ કરી રહ્યો હતો. એક સેકન્ડ માટે હું ચોંકી ગયો,કેબ ડ્રાઇવરે દરમિયાનગીરી કરી અને લૂંટારો ભાગી ગયો'
અશ્વથ ભટ્ટે વધુમાં કહ્યું, 'પરંતુ મને લાગે છે કે તેમને આશા નહોતી કે હું લડીશ અને તેનો વિરોધ કરીશ. જ્યારે તે મારી બેગ છીનવવાનો પ્રયાસ કરી રહ્યો હતો ત્યારે એક કેબ ડ્રાઈવરે અટકાવ્યો અને દરમિયાનગીરી કરી. લૂંટારાએ તુર્કીમાં કંઈક કહ્યું અને પછી ભાગી ગયો. કેબ ડ્રાઇવરે મારો ઘા જોયો અને તરત જ મને પોલીસ પાસે જવાનું કહ્યું.