ભાવનગર શહેરના રિંગરોડ રૂવા રવેચીધામ પાસે ટ્રક ચાલકે અડફેટે લેતા બાઈક સવારને ગંભીર ઇજા પહોંચતા હોસ્પિટલ ખસેડાયો હતો. બનાવને લઇ લોકોના ટોળાં એકઠા થઇ ગયા હતા. ગંગાજળિયા પોલીસ મથક ખાતે બીજલભાઈ ડાયાભાઈ મોરી (ઉ.વ.૩૩ ધંધો-મજુરી રહે.-એરપોર્ટ રોડ રામજી મંદીરની બાજુમાં રૂવા ગામ)એ એવા મતલબની ફરિયાદ નોંધાવી હતી કે, ગતરોજ એકાદ વાગ્યા (બપોરના) આસપાસ રવેચી માંના મંદીર થી પોતાના ઘરે જમવા માટે જતો હતો. તે દરમિયાન રવેચીમાંના મંદીરની બહાર નીકળતા ચોકડી પાસે પહોચતા સામેથી એક ટ્રક ચાલક તેનો ટ્રક પુરપાટ બેફીકરાઈથી ચલાવી આવતો હોય જેથી વળાંક વળવા જતા પાછળના ટાયરમાં મારી સ્પલેન્ડર મોટરસાયકલ નં.- જીજે ૦૪ એએમ ૭૫૪૯ પાછળના ટાયરમાં આવી ગઈ હતી. જે અકસ્માતમાં બીજલભાઈને પગના ભાગે ગંભીર ઈજાઓ પહોંચતા સારવાર અર્થે ૧૦૮ માં હોસ્પિટલ ખસેડાયા હતા. અકસ્માતની ઘટનાને લઇ લોકોના ટોળાં મોટી સંખ્યામાં એકઠા થઇ ગયા હતા. ઈજાગ્રસ્ત દ્વારા હોસ્પિટલ ખાતેથી ટ્રક નંબર જીજે ૩૨ વી ૯૬૮૬ ના ચાલકે પોતાનો ટ્રક બેફિકરાઈથી ચલાવવા અંગે ચાલક સામે સામે અકસ્માત સર્જી ઇજા પહોંચાડી હોવાની ઘોઘારોડ પોલીસમાં ફરિયાદ નોંધાવી હતી. જે ફરિયાદના આધારે પોલીસે ગુનો નોંધી વધુ કાર્યવાહી હાથ ધરી હતી.