યુટ્યુબર અરમાન મલિક ઘણીવાર ચર્ચામાં રહે છે. અરમાન મલિકને બે પત્નીઓ અને ચાર બાળકો છે. અરમાન મલિક તેની બે પત્નીઓને કારણે ચર્ચામાં આવ્યો હતો. અરમાન તેના પરિવાર સાથે પંજાબમાં રહે છે. હવે તેણે કહ્યું કે તેને અને તેના પરિવારને ધમકીઓ મળી રહી છે.

અરમાન મલિકને મળી રહી છે ધમકીઓ

અરમાન મલિકે સોશિયલ મીડિયા પર લખ્યું કે હું વર્ષોથી સોશિયલ મીડિયા પર સક્રિય છું પરંતુ મને દુઃખ છે કે મને છેલ્લા કેટલાક સમયથી સતત ધમકીઓ મળી રહી છે. મને મારવા માટે, મારા પરિવારને નુકસાન પહોંચાડવા માટે અને એ દરેક વસ્તુને છીનવી લેવાની ધમકીઓ મળી રહી છે જે મારા જીવનનો ભાગ છે

અરમાન મલિકને જોઈએ છે આર્મ્સ લાયસન્સ

તેમણે આગળ લખ્યું કે આ ધમકીઓ છતાં મેં કાયદામાં વિશ્વાસ રાખ્યો.  મેં બધા જરૂરી કાનૂની પગલાં લીધાં. ફરિયાદો નોંધાવી. મદદ માંગી પરંતુ ખતરો હજુ પણ મારા અને મારા પરિવાર પર મંડરાઈ રહ્યો છે. મેં મારી સુરક્ષા માટે આર્મ્સ લાઇસન્સ માટે પણ અરજી કરી, જેથી ઓછામાં ઓછું હું મારા પરિવારનું રક્ષણ કરી શકું પરંતુ દર વખતે વહીવટીતંત્ર મને એમ કહીને રોકતું કે મારી સામે કોઈ કેસ ચાલી રહ્યો છે. જ્યારે તે કેસ સંપૂર્ણપણે ખોટો અને પાયાવિહોણો છે. આ સત્યની સુનાવણી માનનીય કોર્ટ સમક્ષ ચાલી રહી છે. મને આપણા ન્યાયતંત્ર પર પૂરો વિશ્વાસ છે કે આખરે સત્યનો વિજય થશે. મારી અપીલ છે કે કૃપા કરીને મારી પરિસ્થિતિની ગંભીરતા સમજો.

અરમાને વીડિયો શેર કરીને અપીલ કરી. વીડિયોમાં તેમની બીજી પત્ની કૃતિકા મલિક જોવા મળી રહી છે. અરમાને જણાવ્યું કે થોડા દિવસ પહેલા એક કાર તેનો પીછો કરી રહી હતી. તેમણે આ અંગે ફરિયાદ પણ નોંધાવી હતી. હવે તેની સાથે ફરીથી આવું થયું છે.