પોરબંદરના કમલાબાગ પોલીસ દ્વારા ગુમ થયેલ એક મોટરસાયકલ શોધીને પરત આપવામાં આવ્યુ હતુ.
જુનાગઢ રેન્જ આઇ.જી.પી. નિલેશ જાજડીયા તથા પોરબંદર પોલીસ અધિક્ષક ભગીરથસિંહ જાડેજા દ્વારા પોરબંદર જિલ્લામાંથી ગુમ થયેલ વાહનનો સત્વરે શોધી કાઢી મૂળ માલિકને સોંપવા સુચનાઓ કરવામાં આવેલ હોય જે અનુસંધાને પોરબંદર શહેરના મદદનીશ પોલીસ અધિક્ષક  સાહિત્યા વી.ની  સૂચના તેમજ માર્ગદર્શન હેઠળ કમલાબાગ પોલીસ સ્ટેશનના પોલીસ ઇન્સ્પેકટર આર.સી. કાનમીયાની રાહદારી હેઠળ કમલાબાગ પોલીસ સ્ટેશન ખાતે આજરોજ ‘તેરા તુઝકો અર્પણ’ કાર્યક્રમ અંતર્ગત કમલાબાગ પોલીસ સ્ટાફે ગુમ થયેલ વાહન મુદામાલ મુળ માલિકને પરત કરેલ છે. જે મોટર સાયકલ જેની કિં. ‚ા. ૧૫,૦૦૦નો મુદામાલ ‘તેરા તુઝકો અર્પણ’ કાર્યક્રમ અંતર્ગત મૂળ માલિકને પરત સોંપવામાં આવેલ છે.