રાજ્યના પ્રવાસન, સાંસ્કૃતિક પ્રવૃત્તિઓ, વન અને પર્યાવરણ તેમજ કલાઈમેટ ચેન્જ વિભાગના કેબિનેટ મંત્રી મુળુભાઈ બેરા આજ તા. ૧૭/૦૪/૨૦૨૫થી તા.૧૯/૦૪/૨૦૨૫ સુધી દેવભૂમિ દ્વારકા જિલ્લાના પ્રવાસે પધારી રહ્યા છે. 

મંત્રી તા.૧૭/૦૪/૨૦૨૫ના રોજ સવારે ૧૦ કલાકે તાલુકા પંચાયત કચેરી ખંભાળિયા ખાતે તાલુકા આયોજન સમિતિની બેઠકમાં ઉપસ્થિત રહેશે. ત્યારબાદ તાલુકા પંચાયત કચેરી ખાતે જ એટીવીટી કાર્યક્રમ અન્વયે તાલુકા કાર્યવાહક સમિતિની બેઠકમાં ઉપસ્થિત રહેશે. ત્યારબાદ મંત્રી શ્રી ભાણવડ તાલુકા પંચાયત કચેરી ખાતે તાલુકા આયોજન સમિતિની બેઠક તથા એટીવીટી કાર્યક્રમ અન્વયે તાલુકા કાર્યવાહક સમિતિની બેઠકમાં ઉપસ્થિત રહેશે. 

મંત્રી તા.૧૮/૦૪/૨૦૨૫ના રોજ જિલ્લાના સામાજિક પ્રસંગેમાં ઉપસ્થિત રહેશે. તેમજ મંત્રી શ્રી તા. ૧૯/૦૪/૨૦૨૫ના રોજ સવારે ૯.૩૦ કલાકે કલેકટર કચેરી ખંભાળિયા ખાતે દેવભૂમિ દ્વારકા જિલ્લા આયોજન મંડળની બેઠકમાં ઉપસ્થિત રહેશે. ત્યારબાદ મંત્રી શ્રી પોલીસ અધિક્ષકની કચેરી, ખંભાળિયા ખાતે જાહેર હિતના પ્રશ્નો અંગે સૂઝાવો માટે સંકલન બેઠકમાં ઉપસ્થિત રહેશે. ત્યારબાદ કલેકટર કચેરી ખાતે જ જિલ્લા નાગરિક પુરવઠા તથા ગ્રાહક સુરક્ષા સલાહકાર સમિતિ બેઠક અને જિલ્લા ફરિયાદ સંકલન સમિતિની બેઠકમાં ઉપસ્થિત રહેશે.