પોરબંદરમાં વિવિધ પ્રકારની સેવાપ્રવૃત્તિ કરતી સંસ્થાઓ દ્વારા મનોદિવ્યાંગોને કપડાનું વિતરણ કરવામાં આવ્યુ હતુ.
પાયોનિયર ક્લબ, સાગરપુત્ર સમન્વય  તથા રેડક્રોસ સોસાયટી પોરબંદર તાલુકા શાખા દ્વારા પ્રમુખ પ્રવીણભાઈ ખોરાવાના માર્ગદર્શન હેઠળ પોરબંદર શહેરના અલગ-અલગ વિસ્તારમાં જઈને પરમહંસ જયાં સુતા હોય,બેઠા હોય ત્યાં સંસ્થાના સેવાભાવી પહોંચ્યા હતા અને પરમહંસો ના બાલ,દાઢી સાથે સ્નાન કરાવીને નવાં કપડાં પેન્ટ,શર્ટ, ટી શર્ટ પહેરાવ્યા હતા. ત્યારબાદ પરમહંસો ને ભોજન કરાવી,સાથે સાથે દક્ષિણા આપી ‘માનવ સેવા એજ પ્રભુ સેવા’નું ઉત્તમ ઉદાહરણ પૂરું પાડ્યું હતું.આ સેવાકીય કામગીરીને શહેરના લોકોએ બિરદાવી હતી.આ સેવાકીય કાર્ય સંસ્થાના સભ્ય માજી વણોટ હરજીવનભાઈ કોટીયા ની દેખરેખ સાથે અન્ય સભ્યો પ્રેમજીભાઈ ઘંટીવાળા,હસુભાઈ ચા વાળા,નારણભાઈ ચાંચીયા,હરિભાઈ રિક્ષાવાળા અને ધી‚ભાઈ હિંગરાજીયા સેવામાં હાજર રહેલ.આ આયોજન દાતા સંસ્થાના પ્રમુક પ્રવીણભાઈ ખોરાવા અને ઉમાબેન ખોરાવાના સૌજન્ય થી કરવામાં આવેલ છે.