પોરબંદરમાં વેરા ભરવામાં અખાડાઓ કરનારા સામે ઝુંબેશને ઉગ્ર બનાવીને મહાનગરપાલિકાના તંત્રએ સપાટો બોલાવી વધુ પાંચ મિલ્કતો સીલ કરી દીધી છે અને ૧૧ આસામીઓએ સ્થળ ઉપર જ વેરો ભરી આપ્યો હતો.પોરબંદર મહાનગરપાલિકા દ્વારા માર્ચ એન્ડીંગ સમયે વેરાવસુલાતની ઝુંબેશને રોજીંદી પ્રક્રિયા બનાવીને ઠેર- ઠેર કામગીરી કરવામાં આવી રહી છે. જેમાં કમિશ્નર તથા નાયબ  મ્યુનિસિપલ કમિશ્નર (પી)ની સૂચના  અનુસાર હાઉસ ટેકસ વિભાગ દ્વારા છાયા પ્લોટની અલગ-અલગ કુલ સોળ બિન રહેણાંક મિલ્કતોમાં વસુલાત ઝુંબેશની કામગીરી કરવામાં આવતા ૧૧ આસામીઓ દ્વારા ‚ા. ૧,૪૨,૫૬૭ સ્થળ ઉપર ભરપાઇ કરી આપેલ અને તે પૈકીની બાકી રહેતી પાંચ મિલ્કતોના ‚ા. ૧,૬૬,૮૩૦ ભરવામાં નહી આવતા તે મિલ્કત સીલ કરવામાં આવેલ છે.અને આ વેરાવસુલાત ઝુંબેશ વધુ ઉગ્ર બનાવવામાં આવશે તેવી ચેતવણી પણ આપવામાં આવી છે.