ચોરી થયેલ ૪ મોબાઇલ ફોન કિ.રૂ.૪૦,૦૦૦ ના મુદ્દામાલ સાથે ખેડૂતવાસના  શખ્સને લોકલ ક્રાઇમ બ્રાન્ચે ઝડપી લીધો હતો. મોબાઈલ સાથે પકડાયેલો પ્રકાશ ઉર્ફે ટેગો અગાઉ વાહન ચોરીમાં સંડોવાયેલો હોવાનું જાણવા મળ્યું હતું.
ભાવનગર લોકલ ક્રાઇમ બ્રાન્ચની ટીમ ભાવનગર શહેર વિસ્તારમાં ખાનગી વાહનમાં મિલ્કત સંબંધી ગુન્હા ઓનાં શકદારોની તપાસમાં પેટ્રોલીંગમાં હતાં. તે દરમિયાન બાતમી મળેલ કે, અગાઉ વાહન ચોરીના ગુન્હામાં પકડાયેલ પ્રકાશ ઉર્ફે ટેગો રમેશભાઇ મારૂણીયા રહે.૫૦ વારીયા,ખેડુતવાસ, આનંદનગર, ભાવનગર. ભાવનગર શહેરના  ઇસ્કોન હોટલ તરફ જતાં રોડ પર પુજા પાર્લરની બાજુમાં આવેલ મહાનગરપાલિકાના જાહેર બગીચાની દિવાલે બેસેલ છે. અને  તેની પાસે કેટલાક મોબાઇલ ફોન છે જે મોબાઇલ ફોન તેણે કયાંકથી ચોરી અગર તો છળકપટથી મેળવેલ હોવાની શંકા છે. જે બાતમીવાળી જગ્યાએ તપાસ કરતા મોબાઈલ ફોન સાથે હાજર મળી આવેલ.જે મોબાઇલ ફોન અંગે તેની પાસે આધાર કે બિલ હોય તો રજુ કરવા કહેતાં કોઇ સંતોષકારક જવાબ આપેલ નહી અને ફર્યું-ફર્યું બોલવા લાગેલ. આ મોબાઇલ ફોન તેણે ચોરી અગર તો છળકપટથી મેળવેલ હોવાનું જણાયેલ.જેથી શક પડતી મિલકત તરીકે તપાસ અર્થે કબ્જે કરી વધુ પુછપરછ કરતાં જણાવેલ કે,આજથી એકાદ મહિના પર કુંભારવાડા, નારી રોડ, આઈ.પી.સી.એલ કંપનીની બાજુમાંથી વીવો કંપનીનો ફોન એક મકાનના ફળીયામાંથી ચોરી કરેલ. આજથી ચારેક મહિના પહેલા રાત્રીના સમયે વૈશાલી સીનેમા પાસેથી એક અજાણ્યા માણસ પાસેથી રૂ.૩,૦૦૦ અને વન પ્લસ કંપનીનો મોબાઈલ ફોન લઇ લીધેલ. આજથી દોઢથી બે મહિના પહેલા આડોડીયાવાસમાંથી એક મકાનમાંથી ચાર્જીંગમાં લગાવેલ   વિવો કંપનીનો મોબાઈલ ફોન તેમજ  આજથી એકાદ મહિના પહેલા આડોડીયાવાસમાંથી એક મકાનમાંથી ચાર્જીંગમાં લગાવેલ   વિવો કંપનીનો મોબાઈલ ફોનની ચોરી કરેલ હોવાની કબુલાત આપતા પ્રકાશ ઉર્ફે ટેગો રમેશભાઇ મારૂણીયા (ઉ.વ.૩૩ ધંધો-છુટક મજુરી રહે.પ્લોટ નંબર-૧૪૫/એચ, ૫૦ વારીયા, બાપાની મઢુલી પાસે, ખેડુતવાસ, આનંદનગર, ભાવનગર)ની ધોરણસરની ધરપકડ કરી વધુ તપાસ અર્થે બોરતળાવ પોલીસને હવાલે કર્યો હતો.
આ કામગીરીમાં  પોલીસ ઇન્સ. એ.આર.વાળાના  માર્ગદર્શન હેઠળ પોલીસ સબ ઇન્સ.  વી.વી.ધ્રાંગુ તથા એલ.સી.બી. સ્ટાફના ઘનશ્યામભાઇ ગોહિલ, વિઠ્ઠલભાઇ બારૈયા, મહેન્દ્દભાઇ ચૌહાણ,સાગરભાઇ જોગદીયા, સંજયભાઇ ચુડાસમા અને અનિલભાઇ સોલંકી સહિતના જોડાયા હતા.