15 હજારની રોકડ અને પત્તા કબ્જે : ભગવતીપરામાં આંકડા શાસ્ત્રીની અટક

જામજોધપુરના પરડવા ગામે પાવર હાઉસ સામેના વાડી વિસ્તારના કાચા રસ્તે જાહેરમાં તિનપતીનો જુગાર રમતા પાંચ શખ્સોને 15700ની માલમતા સાથે પકડીલેવાયા હતા આ ઉપરાંત એક વર્લીબાઝ પોલીસની ઝપટમાં આવ્યો હતો.

જામજોધપુરના પરડવા વિસ્તારમાં ગંજીપતા વડે જુગાર રમતા પરડવાના ભોવાન પોલા ઓડેદરા, દેશીંગા ગામના સવદાસ પરબત કંડોરીયા, કુતીયાણાના કરીમ અલારખા બિંજુડા, ઇશ્ર્વરીયા ગામના અરજણગર શંકરગર અપરનાથી અને ખાગેશ્રી ગામના લખમણ પીઠા વાણીયા નામના શખ્સોને દરોડા દરમ્યાન રોકડ 15700 અને ગંજીપતા સાથે દબોચી લીધા હતા.

આ ઉપરાંત જામજોધપુરના ભગવતીપરામાં રહેતા વિઠ્ઠલ કારા વરાણીયા નામના શખ્સને આ વિસ્તારમાં જાહેરમાં વર્લી મટકાના આંકડાનો જુગાર રમતા રોકડા 950 અને એક કાપલી સાથે પકડી લીધો હતો.