સિક્કા રોડ પર બાઈક ની રેસ લગાવી રહેલા ચાર બાઇકરોને પોલીસે ફિલ્મી ઢબે જીપમાં પીછો કરી આંતરી લીધા

જામનગર- સિક્કા રોડ પર બાઈક રેસ લગાવી રૂપિયા ની હારજીત નો જુગાર રમી રહેલા ચાર શખ્સોને સિક્કા પોલીસે જીપમાં પીછો કરી ઝડપી લીધા છે. તેઓ પાસેથી રોકડ રકમ અને બાઇક વગેરે કબજે કર્યા છે.

જામનગર-ખંભાળિયા હાઈવે રોડ પર કેટલાક શખ્સો રવિવારની સાંજે બાઇકની રેસ લગાવી પૈસાની હારજીત કરી જુગાર રમી રહ્યા છે, તેવી સિક્કા પોલીસને બાતમી મળી હતી.

જે બાતમીના આધારે સિક્કા પોલીસે વોચ ગોઠવી હતી, અને બાઈક ની રેસ લગાવી રહેલા ચાર બાઈકરોને પોલીસ જીપ માં પીછો કરી આંતરી લીધા હતા, અને ચારેયની અટકાયત કરી લઇ તેઓ પાસેથી રૂપિયા બે હજારની રોકડ રકમ તથા ૪ મોટર સાયકલ સહિતની માલમતા કબજે કરી છે.

પોલીસે પકડી પાડેલા અને બાઇકની રેસમાં જુગાર રમી રહેલા સિક્કાના અલ્તાફ અકબરભાઈ બારોયા, કારાભુંગાના રવિ ગોપાલભાઈ ચૌહાણ, ગરીબેનવાજ ચોક સિક્કામાં રહેતા એલીયાસ સલીમભાઈ હુંદડા તેમજ સરમત નાગાણી પીરની દરગાહ પાસે રહેતા સાલેમામદ દોસમામદ ગંઢાર ની અટકાયત કરવામાં આવી છે.