જલારામ અન્નપૂર્ણા ગૃહ દ્વારા વધુ એક સેવા પ્રવૃત્તિ

ખંભાળિયામાં આગામી રવિવાર તારીખ 29 મીના રોજ બેઠક રોડ ઉપર આવેલી શેઠ વી.ડી. બરછા નવી લોહાણા મહાજન વાડી ખાતે સવારે 8 થી બપોરે 2 વાગ્યા સુધી તેમજ બપોરે 3:30 થી સાંજે 7 વાગ્યા સુધી વિનામૂલ્યે એક્યુપ્રેશર તેમજ નિદાન કેમ્પનું આયોજન કરવામાં આવ્યું છે.

અહીંની જાણીતી સેવા સંસ્થા શ્રી જલારામ અન્નપૂર્ણા ગૃહ ચેરીટેબલ ટ્રસ્ટ દ્વારા લંડન સ્થિત જયેન્દ્રભાઈ હિંડોચાના આર્થિક સહયોગથી યોજવામાં આવેલા આ કેમ્પમાં રાજકોટના જાણીતા હિત એક્યુપ્રેશર સેન્ટરના શ્રી મધુબેન પી. જોશી દ્વારા નિદાન કરવામાં આવશે. આ કેમ્પનો લાભ લેવા માટે નામ નોંધણી ફરજિયાત છે. જેથી શનિવારે તા. 28 મી ના રોજ અત્રે નવી લોહાણા મહાજન વાડી ખાતે સવારે 10 થી 12 તેમાં સાંજે 5 થી 7 વાગ્યા સુધી નામ નોંધાવી જવા આયોજકો દ્વારા નગરજનોને અનુરોધ કરવામાં આવ્યો છે.