કણકોટ પાટિયે હાઉસીંગ બોર્ડના ક્વાર્ટરમાં રહેતી પરિણીતા મેટોડા ગેઇટ પાસે રહેતા સસરાના ઘરે હતી ત્યારે સસરા, સાસુ અને દિયરે ઢીકાપાટુનો મારમાર્યો હોવાની રાવ સાથે સિવિલમાં સારવાર લીધી હતી. પરણિતા સસરાના ઘરે ઉછીના લાખ રૂપિયા લેવા જતા મારમાર્યો હોવાનું જણાવ્યું હતું.

પ્રાપ્ત વિગત મુજબ કણકોટના પાટીયે હાઉસીંગ બોર્ડ ક્‍વાર્ટરમાં રહેતી દક્ષાબેન દિનેશભાઇ સોમૈયા (ઉ.વ.૨૬) નામની પરિણીતા રાત્રીના સાડા અગિયારેક વાગ્‍યે મેટોડા ગેઇટ-૧માં રહેતાં સસરા નાનજીભાઇ, સાસુ ગોૈરીબેન અને દિયર રાહુલે ઢીકાપાટુનો માર મારતાં સારવાર માટે સિવિલ હોસ્‍પિટલમાં દાખલ થતાં હોસ્પિટલ ચોકીના સ્ટાફે મેટોડા પોલીસને જાણ કરી હતી.

દક્ષાબેનના કહેવા મુજબ પોતે હાઉસિંગ બોર્ડના ક્વાર્ટરમાં ભાડે રહે છે અને પતિ પ્‍લમ્‍બીંગ કામ કરે છે.એ કાદ વર્ષ પહેલા સાસુ-સસરાએ મેટોડામાં મકાન લીધુ ત્‍યારે તેને ઉછીના પેટે એક લાખ રૂપિયા દીધા હતાં. અને હવે મારે પૈસાની જરૂર ઉભી થતા હું અને મારા પતિ રાત્રે સસરાના ઘરે પૈસાની ઉઘરાણી કરવા માટે ગયા હતા ત્યારે આ બાબતે વાતચીત કરતા હતા ત્યારે સાસુ, સસરા, દિયરે પૈસા પાછા આપવા બાબતે ઝઘડો કરી મારકુટ કરી હતી. પોલીસે આક્ષેપો અંગે તપાસ હાથ ધરી છે.