ધોરાજી નજીક બે બાઇક વચ્ચે અકસ્માત થતા ઉકેકીયા ગામે રહેતો શ્રમિક યુવાન ગંભીર રીતે ઘવાયો હતો.જેથી તેને પ્રથમ ધોરાજી બાદમાં જુનાગઢ અને ત્યાંથી રાજકોટ સારવાર માટે ખસેડવામાં આવ્યો હતો.અહીં સારવાર દરમિયાન યુવાનનું મોત થયું હતું.યુવાન દવા લેવા માટે નિકળ્યો હતો દરમિયાન અકસ્માતની આ ઘટના બની હતી.અકસ્માતના આ બનાવની જાણવા મળતી વિગતો મુજબ,ધોરાજી તાલુકાના ઉદેકીયા ગામની સીમમાં વાડીએ રહી ખેતમજૂરીનું કામ કરનાર યુવાન સાજન કુંવરસીંગ બાંભણીયા(ઉ.વ ૨૬) ગત તા. ૩૯ ના રોજ બપોરના સમયે બાઇક લઇ જતો હતો ત્યારે અહીં ધોરાજી નજીક ખોડીયાર મંદિર પાસે સામેથી આવી રહેલા બાઇક સાથે યુવાનના બાઇકની ટક્કર થઇ હતી.જેમાં યુવાનને ગંભીર ઇજા પહોંચતા પ્રથમ ધોરાજી બાદમાં જુનાગઢ હોસ્પિટલ ખસેડવામાં આવ્યો હતો.તબીયતમાં સુધાર ન આવતા યુવાનને રાજકોટ સરકારી હોસ્પિટલ ખસેડવામાં આવ્યો હતો.અહીં સારવાર દરમિયાન આજરોજ વહેલી સવારના યુવાને હોસ્પિટલ બીછાને દમ તોડી દીધો હતો.બનવાને લઇ હોસ્પિટલ ચોકીના સ્ટાફે જરી કાર્યવાહી કરી સ્થાનિક પોલીસને જાણ કરી હતી.અકસ્માતના આ બનાવની વધુમાં જાણવા મળતી વિગતો મુજબ, યુવાન મૂળ એમ.પીનો વતની છે.તે અહીં ઉદેકીયા ગામની સીમમાં વાડીએ રહી ખેતમજૂરીનું કામ કરતો હતો.યુવાનને સંતાનમાં એક પુત્ર એક પુત્રી છે.યુવક બે ભાઇ ચાર બહેનના પરિવારમાં મોટો હતો.બનાવના દિવસે તે ઘરેથી દવા લેવા માટે નિકળ્યો હતો.દરમિયાન તેને અકસ્માત નડયો હતો.બનાવને લઇ પરપ્રાંતિય પરિવારમાં કલ્પાંત છવાય ગયો હતો