શહેરની આજીડેમ ચોકડી નજીક આજે સવારે ડમ્પરે બાઇકને ઠોકર મારતા ચાલક પ્રૌઢનું ગંભીર ઇજા થવાથી ઘટના સ્થળે જ મોત નીપયું હતું. બનાવના પગલે લોકોના ટોળા એકઠા થયા હતા અને પોલીસને જાણ કરવામાં આવતા આજીડેમ પોલીસ દોડી જઈ જરી પંચરોજ કામ કરી કાર્યવાહી હાથ ધરી હતી.
પ્રા વિગત મુજબ આજીડેમ ચોકડી નજીક રવિવારી બજાર પાસે આજે વહેલી સવારે જીજે ૧૧ યુ ૮૮૫૩ નંબરના પુરપાટ ઝડપે જઈ રહેલા ડમ્પરે બાઇકને ઠોકર મારતા બાઈક ચાલક પ્રૌઢ રોડ પર ફંગોળાતા માથાના ભાગે ગંભીર ઇજા થવાથી ઘટના સ્થળે જ મોત નીપયું હતું. બનાવના પગલે આજીડેમ પોલીસ સ્થળ પર પહોંચી ઓળખ મેળવવાની તજવીજ કરતા પ્રૌઢ ભાઈલાલભાઈ પોપટભાઈ પરમાર (ઉ.વ.૬૫–રહે માંડાડુંગર રિધ્ધિ સિધ્ધિ પાર્ક )ના હોવાનું સામે આવતા પરિવારને જાણ કરી મૃતદેહને પીએમ માટે સિવિલ હોસ્પિટલએ ખસેડવામાં આવ્યો હતો. મૃત્યુ પામનાર ચાર ભાઈ ચાર બહેનમાં મોટા હતા અને સંતાનમાં બે પુત્ર એક પુત્રી છે. સવારે ઘરેથી નિત્યક્રમ મુજબ કારખાને કામે જવા નીકળ્યા હતા ત્યારે અકસ્માત નડો હતો. અકસ્માત સર્જી ડમ્પર ચાલક નાસી છૂટતા પોલીસે નંબરના આધારે અજાણ્યા ચાલકની શોધખોળ હાથ ધરી છે