અમદાવાદની મહિલાની સંડોવણી : હર્ષદમીલની ચાલી રોડ અને દિ.પ્લોટમાં દારુ અંગે દરોડા

જામનગર - રાજકોટ ધોરી માર્ગે ધ્રાંગડા ગામના પાટીયા નજીકથી પોલીસે એક મોટરકારને આંતરી તેમાંથી ૨૪ નંગ દારૂની બોટલનો જથ્થો કબજે કરી એક  આરોપીની અટક કરી હતી. જ્યારે દારુના આ કેસમાં મહિલા સપ્લાયરનું નામ ખુંલવા પામ્યું હતું. આ ઉપરાંત જામનગરના હર્ષદમીલની ચાલી રોડ અને દિ.પ્લોટ ૪૯માં દારુ અંગે દરોડા પાડવામાં આવ્યા હતા.
જામનગર એલસીબી શાખાના હરદીપભાઇ, મયુરસિંહ તથા રુષીરાજસિંહને બાતમી મળી હતી જેથી ધ્રાંગડા ગામના પાટીયા પાસેથી પસાર થતી એક મોટરકારને આંતરી હતી. અને તલાસી લેતા તેમાંથી ૯૬૦૦ ની કિંમત ની ૨૪ નંગ દારૂની બોટલ નો જથ્થો મળી આવ્યો હતો. આથી પોલીસે દારૂ અને મોટર કાર કબજે કરી કાર ચાલક જીતેન્દ્રસિંહ ઉર્ફે જેજે જુવાનસિંહ જાડેજા (રે. મોરારદાસ  સાહેબ ખંભાલીડા)ની અટકાયત કરી હતી. જ્યારે દારૂ નો આ  જથ્થો સપ્લાય કરનાર અમદાવાદની દીપ્તિ ઉર્ફે દક્ષા ગોસ્વામીને પોલીસે  ફરારી જાહેર કરી  તેની શોધ ખોળ શરુ કરી છે.
આ ઉપરાંત જામનગરના પટેલનગર શેરી નં. ૩માં રહેતા વિજય પ્રાગજી વાઘેલાને વિદેશી દારુની એક બોટલ સાથે હર્ષદમીલની ચાલી રોડ પરથી પોલીસે પકડી લીધો હતો, જયારે જામનગરના દિ.પ્લોટ ૪૯, ડેરી પાસે રહેતા રાજ દિપક ભદ્રાના મકાને પોલીસે દરોડો પાડી ઇંગ્લીશ દારુની ૫ બોટલ કબ્જે કરી હતી જયારે આરોપી નાશી છુટયો હતો.