જેસીબી વેચાણથી આપી રામનગરની મહિલા સાથે રૂા. ત્રણ લાખની છેતરપિંડી

May 07, 2025 10:10 AM

જુવાનપુરના શખ્સ સામે નોંધાવાતી પોલીસ ફરિયાદ

ખંભાળિયાના રામનગર વિસ્તારમાં રહેતા મધુબેન રણમલભાઈ કરમુર નામના 32 વર્ષના મહિલાને જેસીબી મશીન ખરીદ કરવું હોય, જેથી તેણીના કુટુંબી બહેનના દિયર એવા જીવાભાઈ સાજણભાઈ કરમુર પાસે જેસીબી હોવાથી અને આ મશીન તેઓ વેચવા ઇચ્છતા હોવાથી મધુબેન દ્વારા જીવાભાઈનું જેસીબી રૂપિયા ત્રણ લાખમાં ખરીદ કરવા અંગેનું નક્કી કરવામાં આવ્યું હતું.

આથી ગત તારીખ ત્રીજી જૂન 2024 ના રોજ તેઓએ રૂપિયા બે લાખનો ચેક, રૂપિયા 92,000 ગૂગલ પે અને રૂપિયા 8,000 રોકડા આપીને એક વકીલની ઓફિસે રૂ. 300 ના સ્ટેમ્પ ઉપર નોટરી લખાણ કરવામાં આવ્યું હતું.

આ પછી જીવાભાઈએ તેમનું જેસીબી કચ્છ ખાતે ખાનગી કંપનીમાં ચાલતું હોય, અને તેઓને દર મહિને રૂપિયા 25,000 આપવા અંગેની બાબત કહી અને બે મહિનામાં મશીન છૂટું થઈ જશે અને તેઓને કબજો સોંપી દેશે તેમ જણાવ્યું હતું. આ રીતે કરવામાં આવેલા વિશ્વાસનો ભંગ કરી અને આરોપી જીવાભાઈ સાજણભાઈ કરમુરએ મધુબેન રણમલભાઈ કરમુર સાથે વિશ્વાસઘાત અને છેતરપિંડી આચરી, તેમને જેસીબી મશીન કે તેમની રકમ પરત ન આપતા આ અંગે ખંભાળિયા પોલીસ મથકમાં ધોરણસર ફરિયાદ નોંધાવવામાં આવી છે. આ પ્રકરણમાં આગળની તપાસ પી.એસ.આઈ. યુ.કે. જાદવ ચલાવી રહ્યા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application