મીસ ગુજરાત વિનર જામનગર પીજીવીસીએલના જુનિયર ઇજનેરે ગૌરવ વધાર્યું

જામનગર પીજીવીસીએલમાં ફરજ બજાવતા જુનિયર ઈજનેરે તાજેતરમાં જ રાજકોટમાં યોજાયેલા ફિલ્મ ફેસ્ટિવલ યુટ્યુબ એવોર્ડમાં બેસ્ટ એક્ટ્રેસ યૂ ટ્યુબ એવોર્ડ મેળવી જામનગર નું ગૌરવ વધાર્યું છે. જામનગર પીજીવીસીએલ માં ફરજ બજાવતા જુનિયર ઈજનેર કોમલ આર. ચંદારાણા, કે જેઓએ તાજેતરમાં રાજકોટમાં જયેશ ઠાકોર અને ઇન્દ્રનીલ રાજયગુરુ આયોજિત 'હાથ સે હાથ જોડો' યુટ્યુબ એવોર્ડમાં બેસ્ટ એક્ટ્રેસ નો એવોર્ડ મેળવી જામનગર શહેર અને પીજીવીસીએલ નું ગૌરવ વધાર્યું છે.

ગુજરાતમાં સૌપ્રથમ વખત યોજનારા યુટ્યુબ એવોર્ડ -૨૦૨૪ ના સેમિનારમા સમગ્ર ગુજરાતમાંથી ૮૫૦ થી વધુ સ્પર્ધકો જોડાયા હતા, જેમાં જામનગરના પીજીવીસીએલના જુનિયર ઈજનેર કોમલ રવિભાઈ ચંદારાણા કે જેઓએ બેસ્ટ એક્ટ્રેસ મોડેલ એવોર્ડનો ખિતાબ હાંસલ  કરેલ છે. જેઓ અગાઉ પણ ગરબા કવિન, બ્યુટી કોન્ટેસ્ટ, મિસ. ગુજરાત સહિત ની ગુજરાત, સૌરાષ્ટ્ર -કચ્છ ની અનેક સ્પર્ધાઓમાં ભાગ લઈ પ્રથમ સ્થાને વિજેતા થઈ ચૂક્યા છે.