અમેરિકાના અલાબામાની તુવાના લૂની ડુક્કરની કિડની ધરાવતી સૌથી લાંબી ઉંમરની સ્વસ્થ વ્યક્તિ બની છે. નવેમ્બર 2024માં ટ્રાન્સપ્લાન્ટ પછી, આ 53 વર્ષીય મહિલા 61 દિવસથી આ કિડની સાથે જીવી રહી છે. તેમનું સ્વાસ્થ્ય સારું છે. પોતાને ’સુપરવુમન’ કહેતી લૂની ન્યૂ યોર્કના રસ્તાઓ પર તેના પરિવારના સભ્યો કરતાં વધુ ઝડપથી ચાલે છે. તે ડુક્કરના કિડની ટ્રાન્સપ્લાન્ટ સાથે સંકળાયેલા વૈજ્ઞાનિકો અને ડોકટરો માટે એક મોટી આશા બની ગઈ છે. ડોકટરો ડુક્કરમાં આનુવંશિક રીતે ફેરફાર કરી રહ્યા છે જેથી તેમના અંગો માણસોના અંગો જેવા થઈ શકે. આ પ્રક્રિયાને ’ઝેનોટ્રાન્સપ્લાન્ટેશન’ કહેવામાં આવે છે. તુવાના લૂનીએ 1999માં પોતાની એક કિડની પોતાની માતાને દાન કરી હતી. થોડા વર્ષો પછી, ગભર્વિસ્થા દરમિયાન હાઈ બ્લડ પ્રેશરના કારણે તેની બીજી કિડનીને નુકસાન થયું. તેણે 2016માં કામ કરવાનું બંધ કરી દીધું. લૂની આઠ વર્ષ ડાયાલિસિસ પર રહ્યા. 25 નવેમ્બર, 2024ના રોજ ન્યૂ યોર્કની લેંગોન હોસ્પિટલમાં તેમના શરીરમાં ડુક્કરની કિડની ટ્રાન્સપ્લાન્ટ કરવામાં આવી હતી.
સાત કલાકના ઓપરેશન દરમિયાન ટુવાના લૂનીમાં ટ્રાન્સપ્લાન્ટ કરાયેલી કિડની વર્જિનિયાની બાયોટેક કંપ્ની રેવિવિકોર દ્વારા વિકસાવવામાં આવી હતી. આ ડુક્કરની કિડનીમાં 10 આનુવંશિક ફેરફારો કરવામાં આવ્યા હતા, જેથી તે માનવ શરીરમાં વધુ સારી રીતે કાર્ય કરી શકે. ડોક્ટરોના મતે, તેમની કિડની સામાન્ય રીતે કામ કરી રહી છે. લૂની પહેલા, ડુક્કરની કિડની બે અન્ય લોકોમાં ટ્રાન્સપ્લાન્ટ કરવામાં આવી હતી, પરંતુ તેઓ લાંબા સમય સુધી જીવિત રહી શક્યા નહીં. પ્રથમ દર્દી, રિક સ્લેમન, ટ્રાન્સપ્લાન્ટના બે મહિના પછી મૃત્યુ પામ્યા. બીજી દર્દી, લિસા પિસાનો, 47 દિવસ સુધી જીવિત રહી. 2023 માં, ન્યુ યોર્ક યુનિવર્સિટી હોસ્પિટલે એક મૃત વ્યક્તિના શરીરમાં ડુક્કરની કિડની ટ્રાન્સપ્લાન્ટ કરી. તે કિડનીએ 61 દિવસ પછી કામ કરવાનું બંધ કરી દીધું.