શહેરમાં પોલીસની ઓસરતી જતી ધાકના લીધે લુખ્ખાઓ બેફામ બન્યા છે. આ વાતની પ્રતીતિ કરાવતી વધુ એક ઘટના શહેરમાં ગઈકાલ રાત્રિના ૧૫૦ ફટ રીંગ રોડ પર નાણાવટી ચોક પાસે સ્ટલગ હોસ્પિટલ નજીક આવેલા હોકર્સ ઝોનમાં બની હતી. અહીં રાત્રિના નાસ્તો કરવા આવેલા પાંચ જેટલા શખસોએ વાહન પાર્ક કરવા જેવી બાબતે અહીં ધંધાર્થી સાથે ઝઘડો કર્યા બાદ બેફામ તોડફોડ કરી હતી. ગ્રાહકોને બેસવાના ટેબલોના ઘા કર્યા હતા દરમિયાન અહીંથી એક વૃદ્ધ પસાર થતા વગર વાંકે વૃધ્ધને પણ મારમાર્યેા હતો. આ સમગ્ર ઘટનાનો વિડીયો સોશિયલ મીડિયામાં વાયરલ થયો છે જેને લઇ પોલીસે તપાસ શ કરી છે.
જાણવા મળતી વિગતો મુજબ આજરોજ સોશિયલ મીડિયામાં એક વિડીયો વાયરલ થયો હતો. જેમાં કેટલાક શખસો નાણાવટી ચોક પાસે આવેલા હોકર્સ ઝોનમાં રાત્રિના બેફામ તોડફોડ કરતા હોવાનું નજરે પડી રહ્યું છે.
આ અંગે વધુમાં જાણવા મળતી વિગતો મુજબ, રાત્રીના અહીં નાણાવટી ચોક પાસે આવેલા હોકર્સ ઝોનમાં બાઈક પર ચારથી પાંચ શખ્સો નાસ્તો કરવા માટે આવ્યા હતા. દરમિયાન વાહન પાર્ક કરવા બાબતે અહીં નાસ્તાની રેકડી ધરાવનાર ધંધાર્થી સાથે તેને બોલાચાલી થઈ હતી. બાદમાં આ શખસોએ ઉશ્કેરાઇ બેફામ તોડફોડ શ કરી હતી અહીં ગ્રાહકો માટે રાખવામાં આવેલા ટેબલોના ઘા કર્યા હતા. નશાની હાલતમાં જણાતા આ શખસોએ અહીં રિતસર આતકં મચાવી દીધો હતો.
આ સમયે અહીંથી એક વૃદ્ધ પસાર થતાં આ શખસોએ વગર વાંકે વૃદ્ધને રોકી તેમની સાથે માથાકૂટ કરી તેમને પણ માર માર્યેા હતો. જેમાં વૃદ્ધને ઈજા પહોંચી હતી. સમગ્ર ઘટનાનો વિડીયો સોશિયલ મીડિયામાં વાયરલ થયો છે. ત્યારે વાયરલ થયેલા આ વીડિયોને લઈ યુનિવર્સિટી પોલીસે આ લુખ્ખાઓને ઝડપી લેવા તપાસ શ કરી છે.