રાજકોટ સિવિલ અને ઝનાના હોસ્પિટલમાં કોન્ટ્રાકટ બેઝ પર કામ કરતા ૩૦૦થી વધુ નસિગ કર્મચારીઓના બે બે મહિનાથી પગાર ન થતા નસગ કર્મચારીઓ આજે સવારે સુપ્રિન્ટેન્ડેન્ટ ઓફીસ ખાતે રજૂઆત કરવામાં પહોંચ્યા હતા. નસિગ કર્મચારીઓએ જણાવ્યું હતું કે, બે મહિનાથી પગાર ન થતા અમારે મના ભાડા પણ ચડત થઇ જતા મકાન માલીકો ભાડુ કયારે આપશો એની તારીખ માગી રહ્યા છે. આજે પગાર થશે કાલે થશે તેમ કહેતા ચોકસસ તારીખ પણ અમે આપી શકતા નથી. એક મહિનાથી ઘરેથી પૈસા મગાવવાની ફરજ પડી છે. ઝનાનાના એચ.આર. મેનેજર જવાબ આપતા નથી અને આજે સવારથી ફોન કરીએ છીએ તો ફોન સ્વિચ ઓફ આવે છે. વહેલી તકે પગાર કરવામાં આવે અથવા તો કયારે પગાર થશે એની તારીખ આપવામાં આવે એમ રોષ પૂર્વક જણાવ્યું હતું.
રજૂઆતના પગલે હોસ્પિટલ તત્રં દ્રારા આજે સાંજ સુધીમાં અને બાકીનો પગાર કલ બપોર સુધીમાં થઇ જશે તેમ ખાત્રી આપતા નસિગ કમર્ચારીઓ ફરજ પર જોડાયા હતા. અત્રે ઉલ્લેખનીય છે કે ગઈકાલે સિકયોરિટી ગાર્ડ અને એકસ આર્મીમેનના પણ બે મહિનાથી પગાર ન થતા સુપ્રિન્ટેન્ડેન્ટ ઓફિસે રજુઆત માટે ઉમટા હતા જેનો આજે પગાર થઇ જતા રાબેતા મુજબ નોકરી પર લાગ્યા હતા. વારંવાર ગ્રાન્ટના અભાવે ઓઉટસોર્સના કર્મચારીઓને પગાર માટે વલખા મારવા પડતા હોવાથી આ મામલે યોગ્ય થાય એવી પણ માગ ઉઠી છે