ભાવનગર જિલ્લાના ઘોઘા તાલુકાના કણકોટ ગામમાં વાળુકડના રોડ પર બેટરીનું અંજવાળું કરી જુગારની બાજી માંડી બેઠેલા ત્રણ શખ્સોને વરતેજ પોલીસે રોકડા રૂપિયા ૪૦, ૪૦૦ના મુદ્દામાલ સાથે ઝડપી લીધા હતા.
વરતેજ પોલીસ પેટ્રોલિંગમાં હતી તે દરમ્યાન ઘોઘાના કણકોટ ગામે કેટલાક શખ્સો જુગાર રમી રહ્યા હોવાની મળેલી બાતમીના આધારે કણકોટ ગામમાં વાળુકડના રોડ પર બેટરીનું અંજવાળું કરી જુગાર રમી રહેલા દીપક બુધાભાઈ મકવાણા(રે. ભીકડા, તા. ઘોઘા, જિ. ભાવનગર), રાજુ મકોડભાઈ બારૈયા(રે. કણકોટ, તા. ઘોઘા, જિ. ભાવનગર) અને વિક્રમ ગોબરભાઈ ગોહોલ (રે. કણકોટ, તા.ઘોઘા, જિ. ભાવનગર)ને રોકડા રૂપિયા ૪૦, ૪૦૦ સાથે ઝડપી લઈ જુગારધારા હેઠળ ગુનો દાખલ કરી આગળની કાર્યવાહી હાથ ધરી હતી.