ઉનાળો જામતાની સાથે રાજકોટ માર્કેટ યાર્ડમાં શાકભાજીની આવકમાં ઘટાડો નોંધાયો છે અને ભાવ વધવા લાગ્યા છે. હાલ સુધી સિંગલ ડિજિટમાં રહેલા અનેક શાકભાજીના ભાવ ડબલ ડિજિટમાં પહોંચી ગયા છે. ટમેટા, કાકડી સહિતની નાસિકથી અને લીંબુની ચેન્નાઇથી આયાત શરૂ થઇ છે.

રાજકોટ માર્કેટ યાર્ડના શાકભાજીના હોલસેલર વેપારી અશોકભાઇ ડોબરીયાએ જણાવ્યું હતું કે હજુ એક પખવાડિયા સુધી ધીમી ગતિએ આવકો ચાલુ રહેશે ત્યાં સુધી ભાવ જળવાયેલા રહેશે પરંતુ એપ્રિલ માસથી ચૈત્રી દનૈયા તપતાની સાથે જ આવકમાં વધુ ઘટાડો અને ભાવમાં વધારો થશે. હજુ સ્થાનિક આવકો સારા પ્રમાણમાં થઇ રહી છે પરંતુ એપ્રિલથી અન્ય જિલ્લા અને અન્ય રાજ્યના આયાતી શાકભાજીની આવક વધશે. કેરીની સીઝન શરૂ થશે ત્યારબાદ શાકભાજીની લેવાલી પણ ઘટશે.

યાર્ડમાં આજનો પ્રતિ કિલોનો ભાવ

• લીંબુ ૮૦થી ૧૧૦
• ગુવાર ૪૦થી ૭૦
• ચોળી ૫૦થી ૬૦
• ચોળા ૩૫થી ૪૦
• દૂધી ૧૨થી ૧૫
• ભીંડો ૨૫થી ૪૦
• રીંગણા ૧૦થી ૨૦
• કોબીજ ૩થી ૪૦
• ઘીસોડા ૪૦થી ૫૦
• તોતા કેરી ૩૦થી ૩૫
• કેસર કેરી ૫૦થી ૭૦
• મરચા ૧૦થી ૧૫
• વટાણા ૩૨થી ૩૫
• વાલોર ૨૦થી ૩૦
• વાલ ૪૦થી ૪૨