શહેરના કરચલીયા પરા વિસ્તારનો પરિવાર ગઈકાલે  અમાસના દિવસે કોળીયાક સ્નાન કરવા જઈ રિક્ષામાં પરત ફરી રહ્યો હતો. ત્યારે  ભુંભલી ચોકડી નજીક  રિક્ષાનો કાર સાથે અકસ્માત સર્જાતા એક મહિલાનુ મોત નિપજવા પામ્યુ હતું. જ્યારે સાત જેટલા લોકોને ઈજા પહોંચતા સારવારમાં ખસેડવામાં આવ્યા હતા.
 ભાવનગર શહેરના કરચલીયા પરા વિસ્તારની વાઘેલા ફળીમાં રહેતો પરિવાર ગઈકાલે  રવિવારે અમાસ નિમિતે કોળીયાક નિષ્કલંક મહાદેવના દરિયે ન્હાવા માટે ગયા હતા. અને સાંજ   રિક્ષામાં પરત ભાવનગર આવી રહ્યો હતો. ત્યારે  ઘોઘા તાલુકાના   ભુંભલી ગામની ચોકડી નજીક  પહોંચતા રિક્ષાની પાછળ કારનો અકસ્માત સર્જાતા અકસ્માતમાં રિક્ષામાં સવાર રેખાબેન અરવિંદભાઈ ચુડાસમા (ઉ.વ. ૫૬, રે. વાઘેલા ફળી, કરચલીયા પરા)ને ગંભીર ઈજા પહોંચતા તેઓનું મોત નિપજવા પામ્યુ હતું. 
જ્યારે અન્ય સાતેક જેટલા વ્યક્તિને નાની મોટી ઈજા પહોંચતા તમામને ભાવનગર સર.ટી.હોસ્પીટલ સારવારમાં ખસેડવામાં આવ્યા હતા. ઉક્ત બનાવને લઈ ભારે અરેરાટી છવાઈ જવા પામી હતી. જ્યારે ઘટનાની જાણ થતા ઘોઘા પોલીસ સ્ટાફ હોસ્પિટલ દોડી આવ્યો હતો. અને ફરીયાદ નોંધવાની તજવીજ હાથ ધરી હતી.