વર્ષ 2024માં ઘણી ફિલ્મોએ બોક્સ ઓફિસ પર ઘણી કમાણી કરી છે. આ વર્ષની સૌથી વધુ કમાણી કરનાર પાંચ હિન્દી ફિલ્મોની યાદીમાં 'સિંઘમ અગેન' અને કાર્તિક આર્યનની 'ભૂલ ભૂલૈયા 3', કલ્કી ને મહાત આપી સ્ત્રી 2 સૌથી આગળ નીકળી ગઈ છે.
વર્ષ 2024માં અત્યાર સુધીમાં એક્શનથી લઈને હોરર કોમેડી સુધીની અનેક પ્રકારની ફિલ્મો જોવા મળી છે. બોક્સ ઓફિસ કલેક્શનની દૃષ્ટિએ પણ આ વર્ષ ભારતીય સિનેમા માટે સારું રહ્યું છે, કારણ કે ઘણી એવી ફિલ્મો છે જેને લોકોએ ઘણી પસંદ કરી હતી અને તે ફિલ્મોએ જંગી કમાણી કરી હતી અને ઘણા રેકોર્ડ પણ બનાવ્યા હતા.
‘સિંઘમ અગેન’ અને ‘ભૂલ ભૂલૈયા 3’ આ સમયની બે સૌથી વધુ ચર્ચિત ફિલ્મો છે. 1 નવેમ્બરના સિનેમાઘરોમાં રિલીઝ થયેલી આ બંને ફિલ્મોએ ઘણા રેકોર્ડ પણ બનાવ્યા હતા.પરંતુ કમાણીના મુદા પર સ્ત્રી 2 સૌથી આગળ છે.
સ્ત્રી 2
વર્ષ 2024માં હિન્દી ભાષામાં સૌથી વધુ કમાણી કરનારી ફિલ્મ શ્રદ્ધા કપૂર અને રાજકુમાર રાવ અભિનીત 'સ્ત્રી 2' છે. આ ફિલ્મે વિશ્વભરમાં રૂ. 800 કરોડથી વધુ કમાણી કરી હતી, જેમાંથી રૂ. 598 કરોડની કમાણી માત્ર હિન્દી ભાષામાંથી જ થઈ હતી. આવી સ્થિતિમાં આ ફિલ્મ આ લિસ્ટમાં ટોપ પર છે.
કલ્કિ 2898 એડી
સાઉથની ફિલ્મ બીજા નંબર પર છે. કલ્કિનું નામ '2898 એડી'. નાગ અશ્વિનના નિર્દેશનમાં બનેલી આ ફિલ્મમાં પ્રભાસ, દીપિકા પાદુકોણ, અમિતાભ બચ્ચન અને કમલ હાસન જેવા સ્ટાર્સ જોવા મળે છે. આ ફિલ્મે હિન્દી ભાષામાં 293 કરોડ રૂપિયાની કમાણી કરી છે.
સિંઘમ અગેન
અજય દેવગનની ફિલ્મ 'સિંઘમ અગેન' આ લિસ્ટમાં ત્રીજા નંબર પર છે. આ ફિલ્મે 15 દિવસમાં અંદાજે 220 કરોડ રૂપિયાનું કલેક્શન કર્યું છે. કમાણી કરવાની પ્રક્રિયા હજુ પણ ધીમી ગતિએ ચાલુ છે. આ ફિલ્મ માત્ર હિન્દી ભાષામાં જ રિલીઝ થઈ છે.
ભૂલ ભૂલૈયા 3
કાર્તિક આર્યનની 'ભૂલ ભુલૈયા 3' પણ 'સિંઘમ અગેન' સાથે સિનેમાઘરોમાં રિલીઝ થઈ હતી. આ ફિલ્મ પણ માત્ર હિન્દી ભાષામાં જ બની છે. આ પિક્ચરે 15 દિવસમાં અંદાજે 216 કરોડ રૂપિયાની કમાણી કરી છે. આ ફિલ્મની કમાણીનો સીલસીલો ચાલી રહ્યો છે. આ વર્ષની અત્યાર સુધીની સૌથી વધુ કમાણી કરનાર ચોથી હિન્દી ફિલ્મ છે.
ફાઇટર
આ યાદીમાં રિતિક રોશનની ફિલ્મ પાંચમા નંબરે છે. નામ- 'ફાઇટર', જે વર્ષની શરૂઆતમાં રિલીઝ થઈ હતી. સિદ્ધાર્થ આનંદના નિર્દેશનમાં બનેલી આ ફિલ્મમાં દીપિકા પાદુકોણ રિતિકની સામે જોવા મળી હતી. માત્ર હિન્દી ભાષામાં રિલીઝ થયેલી આ ફિલ્મે ઘરેલુ બોક્સ ઓફિસ પર 212 કરોડ રૂપિયાની કમાણી કરી હતી