સ્કૂલ ગેમ ફેડરેશન ઓફ ઇન્ડિયા ( એસ.જી.એફ.આઈ) ની ભાવનગર ડિસ્ટ્રિક્ટ ચેમ્પિયનશિપ જિલ્લાના સ્પોર્ટ્સ કોમ્પલેક્સ ખાતે ડી.એસ.ઓ ગોહિલ સાહેબના માર્ગદર્શનમાં યોગ ગુરુઓ  ડી.વી ગોહિલ સર,જાહ્નવી બહેન મેહતા,જિજ્ઞેશભાઈ પટેલ,હેતસ્વીબહેન તસનીમ બહેન,રાજદીપભાઈ સહિતના એક્સપર્ટ્સ ની ઉપસ્થિતિમાં યોજાયેલ,આ કોમ્પિટેશનમાં આંતર રાષ્ટ્રીય યોગા પ્લેયર અને મિસ યોગીની ઓફ ગુજરાતની ટાઇટલ વિનર ઋચા ત્રિવેદી એ વયજૂથ માં ટ્રેડિશનલ ઈન્ડિવિડ્યુઅલ ઇવેન્ટમાં દ્વિતીય સ્થાન અંકે કરી એસ.જી.એફ.આઈ રાજ્ય કક્ષાની ચેમ્પિયનશિપ માટે ક્વાલિફાય બની છે.
૧૩ વર્ષીય ઋચા ત્રિવેદીએ આ મહિનામાંજ બી.ડી.વાય.એસ.એ, યોગા સ્ટાર ઇન્ટરનેશનલ ચેમ્પિયનશિપ,ખેલો ઈન્ડિયાની અસ્મિતા વુમન પ્રીમિયર લીગ તથા એસ.જી.એફ.આઈ સહિત ૪ અલગ અલગ ચેમ્પિયનશિપ રમી અવ્વલ સ્થાન પ્રાપ્ત કરી ઉજ્જવળ દેખાવ કરી દેશ,રાજ્ય અને જિલ્લાને ગૌરવ અપાવેલ છે. ઋચા ત્રવેદી શહેરની દક્ષિણામૂર્તિ સ્કૂલની ધો.૯ની વિદ્યાર્થીની છે તેમજ યૂનિવર્સિટી યોગ હોલની યોગા એથ્લેટ છે,તેની આ સિદ્ધિ બદલ શાળા તથા યોગ હોલ પરિવાર દ્વારા આશિર્વાદ સાથે અભિનંદન આપવામાં આવ્યા હતા.