ગોંડલના કાંગશીયાળીમાં યુવકએ ગળેફાંસો ખાઈ આપઘાત કરી લેતા પરિવારમાં અરેરારી મચી જવા પામી છે, બપોરે માતા-પુત્ર બેઠા હોય ત્યારે માતાને આરામ કરવા રૂમમાં મોકલી દઈ પોતે રસોડામાં જઈ પગલું ભરી લીધું હતું. બનાવ અંગે શાપર પોલીસે દોડી ગઈ હતી.

પ્રાપ્ત વિગત મુજબ કાંગશીયાળી ગામે રહેતો ભવ્ય રાજેશભાઈ સાકરીયા (ઉ.વ.19)ના યુવકે ગત બપોરે ત્રણેક વાગ્યાના અરસામાં ઘરે રસોડામાં એંગલમાં ચૂંદડી બાંધી ફાંસો ખાઈ લીધો હતો. યુવકના માતા રૂમમાંથી બહાર આવતા પુત્રને લટકતી હાલતમાં જોઈ દેકારો કરતા આસપાસના રહેવાસીઓ સહિતના દોડી આવ્યા આવ્યા હતા અને યુવકને બેભાન હાલતમાં સિવિલ હોસ્પિટલમાં ખસેડવામાં આવ્યો હતો જ્યાં ફરજ પરના તબીબે જોઈ તપાસી મૃત જાહેર કર્યો હતો. બનાવ અંગે હોસ્પિટલ ચોકીના સ્ટાફે શાપર પોલીસને જાણ કરતા પોલીસે હોસ્પિટલ પહોંચી જરૂરી કાર્યવાહી કરી હતી.

યુવક ગ્રાફિક ડિઝાઇનિંગનું કામ કામ કરતો હતો. અને બે ભાઇમાં નાનો હતો. બપોરના સમયે માતા-પુત્ર ટીવી જોતા હતા બાદમાં માતાને આરામ કરવા જવાનું કહેતા માતા રૂમમાં આરામ કરવા માટે ગયા હતા અને પુત્રએ પાછળથી પગલું ભરી લીધું હતું. તેણે આવ્યું ક્યાં કારણોસર કર્યું એ અંગે પરિવારજનો પણ જાણતા ન હોય પોલીસે કારણ જાણવા તપાસ યથાવત રાખી છે.