લોકસભા ચૂંટણી પહેલા રાજ્યમાં એક જ દિવસે 2 મોટા કોંગ્રેસી નેતાઓએ પાર્ટી સાથે છેડો ફાડ્યો છે. પોરબંદરના ધારાસભ્ય અર્જુન મોઢવાડિયાએ પાર્ટીમાંથી રાજીનામું આપી દીધું છે. આ ઉપરાંત અંબરીશ ડેરએ પણ કોંગ્રેસને ગૂડ બાય કહી દીધું છે.

કોંગ્રેસના ધારાસભ્ય અર્જુન મોઢવાડિયાએ આજે ગુજરાત વિધાનસભાના અધ્યક્ષ શંકર ચૌધરીને ધારાસભ્ય પદેથી રાજીનામું સોંપ્યું હતું. અર્જુન મોઢવાડિયા આગામી દિવસોમાં ભાજપમાં જોડાશે અને આગામી લોકસભા ચૂંટણી સાથે યોજાનારી વિધાનસભા પેટાચૂંટણીમાં ભાજપના ઉમેદવાર તરીકે ચૂંટણી લડશે તેવી ચર્ચાઓએ જોર પકડ્યું છે.


નોંધનીય છે કે, ૭ માર્ચની આસપાસ રાહુલ ગાંધીની ન્યાય યાત્રા ગુજરાતમાં શરુ થવાની છે અને ન્યાય યાત્રા શરુ થાય તે પહેલા જ અર્જુન મોઢવાડિયા કેસરિયા કરી શકે છે.