પૂર્વ એડલ્ટ ફિલ્મ સ્ટાર મિયા ખલીફાનો ફોટો માતા રાનીના ધાર્મિક તહેવાર માટે લગાવવામાં આવેલા હોર્ડિંગ્સ પર ચોંટાડવામાં આવ્યો હતો. આ મામલો તમિલનાડુના કાંચીપુરમ જિલ્લાનો છે. આ હોર્ડિંગ દેવી પાર્વતીના 'આદી' ઉત્સવ માટે મૂકવામાં આવ્યું હતું. આ તહેવાર આ વિસ્તારમાં ખૂબ જ ધામધૂમથી ઉજવવામાં આવે છે. કહેવામાં આવી રહ્યું છે કે, આ હોર્ડિંગ ઘણા દિવસો સુધી આ રીતે જ રહ્યું. પરંતુ જ્યારે આ તસવીર સોશિયલ મીડિયા પર સામે આવી ત્યારે હોબાળો મચી ગયો હતો. ત્યારબાદ પોલીસે આ મામલે દરમિયાનગીરી કરવી પડી હતી.

એડલ્ટ ફિલ્મોમાં કામ કરી ચૂકેલી ફિલ્મ સ્ટાર મિયા ખલીફાની તસવીર તમિલનાડુના કાંચીપુરમ જિલ્લામાં એક ધાર્મિક તહેવાર માટે મૂકવામાં આવેલા હોર્ડિંગમાં જોવા મળી હતી. આ હોર્ડિંગ 'આદી' તહેવાર માટે મૂકવામાં આવ્યું હતું, જેમાં રાજ્યભરના મંદિરોમાં દેવી અમ્માન (પાર્વતી)ની પૂજા કરવામાં આવે છે. ઉત્સવનું આયોજન દરેક ગામમાં ભવ્ય રીતે કરવામાં આવે છે, જેમાં હજારો લોકો ભાગ લે છે અને તે ઘણા દિવસો સુધી ચાલે છે.

આદિ ઉત્સવ તમિલનાડુમાં એક ભવ્ય ધાર્મિક ઉત્સવ છે. આ હોર્ડિંગ્સ કુરુવિમલાઈના નાગથમ્મન અને સેલિયમ્માન મંદિરોમાં લગાવવામાં આવ્યા છે. આમાંથી એક હોર્ડિંગ ત્યારે વાયરલ થયું જ્યારે દેવી-દેવતાઓની તસવીરો સાથે મિયા ખલીફાની તસવીર જોવા મળી. હોર્ડિંગમાં જોઈ શકાય છે કે, મિયા ખલીફાની તસવીર એડિટ કરીને હોર્ડિંગમાં મૂકવામાં આવી છે. તસ્વિરમાં, ભૂતપૂર્વ એડલ્ટ સ્ટાર તેના માથા પર દૂધનું વાસણ ધરાવે છે. તેને સ્થાનિક ભાષામાં પાલ કુદમ કહે છે. તે તહેવારમાં પરંપરાગત પ્રસાદનો એક ભાગ છે. હોર્ડિંગની તસવીર સોશિયલ મીડિયા પર વાયરલ થયા બાદ પોલીસે ઘટનાસ્થળે પહોંચીને તેને હટાવ્યો હતો. હાલ આ વિસ્તારમાં શાંતિ છે.