સોશિયલ મીડિયાની દુનિયા ખરેખર સાવ અલગ છે. તમે કલ્પના કરી શકતા નથી કે અહીં ક્યારે શું જોવા મળશે. દરરોજ કંઈક ને કંઈક એવું જોવા મળે છે જે લોકોને આશ્ચર્ય અને પરેશાન કરે છે. હાલમાં પણ એક એવો જ વીડિયો વાયરલ થઈ રહ્યો છે, જેને જોયા પછી તમને તમારી આંખો પર વિશ્વાસ નહીં થાય. જ્યારે આ વીડિયો સોશિયલ મીડિયા પર વાયરલ થયો ત્યારે અન્ય લોકોએ પણ તેને જોયો અને કોમેન્ટ સેક્શનમાં પોતાની પ્રતિક્રિયા આપી.

​​​​​​​સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે એક ચિમ્પાન્ઝી જમીન પર બેઠો છે અને તેના હાથમાં સળગતી સિગારેટ છે. આ પછી તે તે સિગારેટ મોંમાં નાખે છે, આ પછી તે મોઢામાંથી સિગારેટ કાઢીને ધુમાડો છોડે છે. જેમ માણસ સિગારેટ પીવે છે, એવી જ રીતે ચિમ્પાન્ઝી પણ ધૂમ્રપાન કરતો જોવા મળે છે.

આ વીડિયોને Instagram પર earth.reel નામના પેજ પરથી શેર કરવામાં આવ્યો છે. પરંતુ આ વીડિયો ક્યારનો છે અને ક્યાં લેવામાં આવ્યો છે તે અંગે માહિતી મળી શકી નથી. હાલમાં આ વીડિયો સોશિયલ મીડિયા પર વાયરલ થઈ રહ્યો છે. વિડીયો જોઈને પશુ પ્રેમીઑ ખૂબ જ ગુસ્સે ભરાયા છે. કેમ કે માણસો માટે પણ જીવલેણ ગણાતી સિગારેટને આ વાનર ચેઇન સ્મોકરની જેમ સામન્ય ગણતો હોય તેમ પીવે છે.

વાયરલ વીડિયોને ઈન્સ્ટાગ્રામ પર 11 હજારથી વધુ લોકો જોઈ ચૂક્યા છે. વીડિયો જોયા બાદ એક યુઝરે લખ્યું- આ ખરાબ ખૂબ પ્રભાવ છે. અન્ય યુઝરે લખ્યું- મૂર્ખતા અને માનવ અજ્ઞાનતાની કોઈ સીમા નથી. અન્ય યુઝરે તેને મૂર્ખતા ગણાવી. ઘણા યુઝરે ચિમ્પાન્ઝી પ્રત્યે તેમની દયા વ્યક્ત કરી છે.