ઉના તાલુકાના ખત્રીવાડા ગામે જાહેરમાં જુગાર રમતા સાત જુગારીઓને રોકડા રૂપિયા ૭૮૮૦૦ સાથે જિલ્લ ા લોકલ ક્રાઇમ બ્રાન્ચે ઝડપી લઈ ધોરણસર કાર્યવાહી હાથ ધરી હતી. ગીર સોમનાથ ની લોકલ ક્રાઇમ બ્રાન્ચ પોલીસના પોલીસ હેડ કોન્સ્ટેબલ હરિન્દ્રસિંહ ભીખુભાઈ ગોહિલ, વિજયભાઈ હાજાભાઈ રામ અને સ્ટાફ રાત્રે ઉના તાલુકાના ગ્રામ્ય વિસ્તારમાં પેટ્રોલિંગમાં હતા ત્યારે બાતમી મળી હતી કે ખત્રીવાડા ગામે પ્લોટ વિસ્તાર નજીક આવેલા ખારામાં અમુક લોકો રૂપિયાની હારજીતનો તીનપત્તીનો જુગાર રમતા હોય. રેડ પાડતા જુગાર રમતા લાલજી બાલા મકવાણા (રે. કેરાળા તા. જાફરાબાદ), મનુ અરજણ પરમાર (કેરાળા તા. જાફરાબાદ), ભગવાન ભીમા ડાભી (રે. કેરાળા), યોગેશ ગોવિંદ શિયાળ (રે. ખત્રીવાડા) કસા સામત બારીયા (રે. બલાણા તા. જાફરાબાદ), રામ માલા પરમાર (રે. બલાણા), ચના રામ સોલંકી (રે. વઢેરા તા. જાફરાબાદ) કુલ સાત જુગારીઓને રોકડા રૂપિયા ૭૮૮૦૦ અને જુગારનું સાહિત્ય સાથે પકડી ઉના પોલીસ સ્ટેશન લાવી ગુનો દાખલ કરી કાર્યવાહી કરી હતી