રાજકોટ ધ્રાંગધ્રા તાલુકા પોલીસ સ્ટેશનના ખુનના ગુનામાં છેલ્લા નવ વર્ષથી નાસતા–ફરતા અને અગાઉ અન્ય ગુન્હાઓમાં પણ પકડાઇ ચુકેલ રીઢા આરોપીને રાજકોટ રેન્જની ટીમે ધાંગધ્રાથી ઝડપી લઇ કાયદેસરની કાર્યવાહી કરી હતી.પ્રા વિગતો મુજબ રાજકોટ રેન્જ આઇજી નિર્લિ રાય દ્રારાનાસતા–ફરતા આરોપીઓને શોધી કાઢી પકડી પાડવા સુચના આપવામાં આવી છે. જેને લઇ રાજકોટ રેન્જના પીઆઇ અપૂર્વ પટેલના માર્ગદર્શન હેઠળ પીએસઆઇ પી.એન.મોરી, બી.સી.મીયાત્રા, સી.એમ.કાંટેલીયા તથા સ્ટાફ નાસતા ફરતા ગુનેગારોને શોધી કાઢવા પ્રયત્નશીલ હતો. દરમિયાન સ્ટાફના ધર્મેન્દ્રસિહ વાઘેલા, યોગેન્દ્રસિંહ ચુડાસમા, રાજદીપસિહ ઝાલા, દિલીપસિહ સિંધવ તથા ફતેસગં પરમારને મળેલી બાતમીના આધારે ધાંગધ્રા તાલુકા પોલીસ સ્ટેશનમાં નોંધાયેલા હત્યા, હત્યાનો પ્રયાસ, મારમારીના ગુનામાં નાસતા–ફરતા આરોપી સંગ્રામભાઇ ઉર્ફે મુન્નો ગોકળભાઇ સાનીયા (ભરવાડ) (રહે.ખારીશેરી, ધાંગધ્રા) ને ધાંગધ્રા શહેરના મયુરનગર પાણીની ટાંકી પાસેથી ઝડપી લીધો હતો. પોલીસે આરોપીને ધાંગધ્રા તાલુકા પોલીસ સ્ટેશનના હવાલે કરી જરી કાર્યવાહી કરી હતી...