ભેસાણ તાલુકાના પરબ વાવડી ગામે ખોડીયાર માતાજી મંદિરના દરવાજાના તાળા તોડી તસ્કરે સોના ચાંદીના છતર, સોનાનો દાણો અને બે દાન પેટીમાંથી રોકડ સહિત કુલ ૧.૪૭ લાખના મુદ્દામાલની ચોરી કર્યા અંગે અજાણ્યા ઈસમ વિરુદ્ધ ફરિયાદ નોંધાતા પોલીસે ગુનો નોંધી વધુ તપાસ હાથ ધરી છે.
    ભેસાણ પંથકમાં નવરાત્રી પૂર્વે તસ્કરે માતાજીના સ્થાનકને નિશાન બનાવ્યું છે. ભેસાણ તાલુકાના પરબ વાવડી ગામે ખોડીયાર માતાજીના મંદિરના તાળા તોડી તસ્કરે મંદિરમાં રહેલ ચાંદીના આઠ છતર, સોનાનું છતર, સોનાનો દાણો, તથા બે દાન પેટી માંથી રૂ.૭ હજાર રોકડ સહિત કુલ રૂ.૧.૪૭ લાખના મુદ્દામાલની ચોરી થયા અંગે જયરાજભાઇ વાલજીભાઈ સાકરીયાએ અજાણ્યા ઇસમ વિરુદ્ધ ભેસાણ પોલીસ સ્ટેશનમાં ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે.