રાજકોટ શહેરની ગોંડલ ચોકડી નજીક માલધારી ફાટક પાસે, રોલેક્સ રોડ પર આવેલા પ્લાસ્ટિકના કારખાનાની લેબર કોલોનીમાં રહી મજૂરી કામ કરતી જાગૃતિ પ્રકાશભાઈ બામણીયા (ઉ.વ.18)એ ગઈકાલે પોતાની ઓરડીમાં ગળાફાંસો ખાઈ જિંદગી ટૂંકાવી લીધી હતી. જાગૃતિની સગાઈ થઈ ગઈ હતી. તે હાલ પોતાના મંગેતર અને સાસરિયાના સભ્યો સાથે જ રહેતી હતી. 

બનાવના પગલે આજીડેમ પોલીસ દોડી ગઈ હતી અને મૃતદેહને પીએમ માટે ખખસેડી જરૂરી કાર્યવાહી કરી હતી.મૃતક મૂળ દાહોદ પંથકની રહેવાસી હતી. થોડા સમય પહેલા જ સગાઈ થઈ હતી. સમાજના રીતરિવાજો મુજબ મંગેતર પતિ સાથે રહેતી હતી. તેણીને માતા-પિતાને મળવા માટે જવું હતું પણ સસરા અંબાજી દર્શને ગયા હોવાથી તે પરત આવ્યા તેણીના માતા પિતાને મળવા જવાનું કહ્યું હતું. જે બાદ પગલું ભરી લીધું હતું. આપઘાતનું કારણ જાણવા પોલીસે વધુ તપાસ હાથ ધરી હતી.