જામનગર: ધ્રોલ એનડીપીએસના ગુનામાં આરોપીની અટકાયત

જામનગર જિલ્લામાં નાસતા-ફરતા આરોપીઓને ઝડપી પાડવા ચાલી રહેલી કાર્યવાહી દરમિયાન જામનગર એસ.ઓ.જી.એ ધ્રોલ પોલીસ સ્ટેશનના એનડીપીએસ એક્ટના ગુનામાં ગાંજાનો જથ્થો સપ્લાય કરનાર ફરાર આરોપીને ફલ્લા ગામથી આગળ કેનાલ નજીકથી ઝડપી પાડ્યો છે.

જામનગર એસઓજી ઇન્ચાર્જ પીઆઇ ચૌધરી તથા પીએસઆઇ એલ.એમ.ઝેરના માર્ગદર્શન હેઠળ સ્ટાફ પેટ્રોલીંગમાં હતા ત્યારે એસઓજીના જયેશભાઇ, વિજયભાઇ, ધર્મેન્દ્રભાઇને સંયુકત બાતમી મળેલ કે ધ્રોલ પોલીસ સ્ટેશનના એનડીપીએસ એકટના દાખલ થયેલ ગુનાની તપાસ કાલાવડ ગ્રામ્ય પોલીસ ચલાવતી હોય આ ગુનાના ફરાર આરોપી બકુલપરી ભગવાનપરી ગોસાઇ  રહે. જનતા સોસાયટી મફતીયાપરા, છાયા-પોરબંદરવાળો ફલ્લા કેનાલ પાસે ઉભો છે એ ચોકકસ બાતમીના આધારે પકડીને આગળની કાર્યવાહી માટે ધ્રોલ પોલીસને સોપી આપ્યો હતો.