જામનગર: ભરણપોષણના કેસમાં પેરોલ જમ્પ કરનારને પકડી લેતી દ્વારકા એલસીબી

રેન્જ આઇજી નિર્લિપ્ત રાય તથા દ્વારકા જીલ્લા પોલીસવડા જયરાજસિંહ વાળાએ જિલ્લામાં પેરોલ જમ્પ કરી નાસતા ફરતા ઇસમોને પકડી પાડવા સુચના કરેલ હોય જે અનુસંધાને એલસીબી પીઆઇ એન.એચ. જોશીની રાહબરી હેઠળ પીએસઆઇ બી.એમ. દેવમુરારી, એમ.આર સવસેટા, એસ.વી. આંબલીયા ઉપરોકત બાબતે કાર્યરત હતા.
દરમ્યાન ટીમના એએસઆઇ શકિતસિંહ જાડેજા, હેડ કોન્સ શકિતસિંહ ઝાલા, વેજાણંદ બેરા તથા મનહરસિંહ જાડેજાને પેટ્રોલીંગ દરમ્યાન બાતમી મળેલ કે ફેમીલી જજ કોર્ટ નં. ૩ના ફોજદારી ભરણપોષણ કેસના સજા પામેલ આરોપી વિનોદ ભગવાનજી સિસોદીયા (ઉ.વ.૩૮) રહે. શીવા ગામ ભાણવડવાળો રાજકોટ મઘ્યસ્થ જેલ ખાતેથી પેરોલ રજા ઉપર મુકત થઇ સમયસર હાજર નહી થઇ પેરોલ જમ્પ થયેલ હોય અને હાલ તે શીવા ગામ ખાતે હોવાની હકીકત આધારે પક૦ડી પાડી રાજકોટ મઘ્ય સ્થ જેલ મોકલી આપવા તજવીજ કરી ભાણવડ પોલીસને સોપી આપ્યો હતો.