જામનગરમાં મનપાની નાઇટ ડ્રાઇવ, જાહેરમાં કચરો ફેંકતા એકમોને રૂ. ૬૮૭૫૦ દંડ

સોલીડ વેસ્ટ અને એસ્ટેટ શાખા દ્વારા શહેરના કોર્મશીયલ વિસ્તારોમાં ચેકીંગ કરાયું

કચરાપેટી ન રાખી ન્યૂસન્સ કરનારા અને ગાર્બેજ વાહનમાં  કચરો ન આપતા આસામી દંડાયાઠ

જામનગરમાં મનપાની નાઇડ ચેકીંગ ડ્રાઇવમાં જાહેરમાં કચરો ફેંકતા એકમોને રૂ.૬૮૭૫૦ દંડ ફટકારાયો હતો. સોલીડ વેસ્ટ અને એસ્ટેટ શાખા દ્વારા શહેરના કોર્મશીયલ વિસ્તારોમાં ચેકીંગ કરી કચરાપેટી ન રાખી ન્યૂસન્સ કરનારા અને ગાર્બેજ વાહનમાં કચરો ન આપતા આસામીઓને દંડ ફટકારાયો હતો. 

જામનગર મહાનગરપાલિકાની સોલિડ વેસ્ટ મેનેજમેન્ટ તથા એસ્ટેટ શાખા દ્વારા શહેરના વિવિધ કોમર્શિયલ વિસ્તારોમાં ગઇકાલે નાઇટ ડ્રાઇવ હાથ ધરવામાં આવી હતી. દરમિયાન કોમર્શિયલ વિસ્તારોમાં પોતાના એકમ પાસે ડસ્ટબિન નહીં રાખનારા, જાહેરમાં કચરો નાખી ન્યૂસન્સ કરનારા તેમજ ડોર ટુ ડોર ગાર્બેજ કલેક્શન વાહનમાં પોતાના એકમનો કચરો નહીં આપનારા આસામીઓ સામે કાર્યવાહી કરવામાં આવી હતી. આ કામગીરી દરમિયાન સંબંધિત આસામીઓ પાસેથી કુલ રૂ.૬૮,૭૫૦નો વહીવટી ચાર્જ વસૂલવામાં આવ્યો હતો. 

ઉપરાંત નિયમોનું પાલન નહીં કરનારા ૪૮ એકમોને નોટિસ આપવામાં આવી હતી. મહાનગરપાલિકા દ્વારા દરેક કોમર્શિયલ એકમ પોતાના એકમમાંથી નીકળતો કચરો ફક્ત ડોર ટુ ડોર ગાર્બેજ કલેક્શન વાહનમાં જ આપે અને જાહેર સ્થળે કચરો ન નાખે તે અંગે માહિતી, શિક્ષણ અને સંચાર પ્રવૃત્તિ પણ હાથ ધરવામાં આવી હતી. શહેરને સ્વચ્છ રાખવા માટે વેપારીઓ અને નાગરિકોને મહાનગરપાલિકાની કચરા વ્યવસ્થાપન વ્યવસ્થામાં સહકાર આપવા અનુરોધ કરાયો છે.