જામનગર: લાલવાડીમાં પ્રેમસંબંધની શંકામાં યુવાન પર પાઇપથી પ્રહાર

ફ્રેકચર સહિતની ઇજા પહોચાડી : બે શખ્સ વિરુઘ્ધ ફરીયાદ

જામનગરના લાલવાડી વિસ્તારમાં એક યુવાન પર પાઇપ વડે હુમલો કરીને ફ્રેકચર સહિતની ઇજા પહોચાડયાની બે શખ્સ વિરુઘ્ધ ફરીયાદ કરવામાં આવી છે. પ્રેમસબંધની શંકાના આધારે આ હુમલો કરવામાં આવ્યો હોવાનું પોલીસ ચોપડે નોંધાયુ છે.


જામનગર તાલુકાના મોરકંડા ગામમાં રહેતા મયુર નવઘણભાઇ ઝીંજુવાડીયા (ઉ.વ.૨૪) નામના યુવાને ગત તા. ૨૬ના રોજ લાલવાડીમાં રહેતા ગૌતમ જીતેશ રાઠોડ અને દરેડના જયેશ વિનોદ રાઠોડ નામના શખ્સો વિરુઘ્ધ સીટી-એમાં જુદી જુદી કલમો મુજબ ફરીયાદ નોંધાવી હતી.

ફરીયાદની વિગત અનુસાર ફરીયાદી મયુરને આરોપી ગૌતમના પત્ની સાથે પ્રેમસબંધ હોય અને ત્યાથી નીકળતા મળીને આવેલ છે એવી શંકા સેવીને વાતચીત કરવા માટે લાલવાડી પાસે તા. ૨૬ના રોજ રોકીને બબાલ કરી હતી ઘરે ગયેલ ત્યારે વાતચીત કરતા હતા એ દરમ્યાન આરોપીએ સહ આરોપીને ફોન કરી બોલાવી બંનેએ સાથે મળી ફરીયાદીને અપશબ્દો કહીને ઢીકાપાટુનો માર મારવા લાગ્યા હતા.

આરોપી ગૌતમે છરી અને પાઇપ સાથે આવી તેમજ જયેશે પાઇપ વડે હુમલો કરી ફરીયાદીને હાથ, પગ અને શરીરના ભાગે માર માર્યો હતો જેમાં હાથમાં ફ્રેકચર અને કોણી તથા ગોઠણ પાસે ટાંકા જેવી ઇજાઓ પહોચી હતી ફરીયાદ અનુસંધાને પીએસઆઇ ગામેતી તપાસ ચલાવી રહયા છે.