બે દરોડામાં ૨૬ હજારની માલમત્તા કબ્જે

દ્વારકામાં સાવિત્રી વાવ વિસ્તારમાં આવેલા યાત્રિક આવાસના મેનેજર હનુભા સીદુભા વાઢેર નામના ૪૪ વર્ષના શખ્સ દ્વારા દ્વારકા ભારતીય યાત્રિકા આવાસના બીજા માળે આવેલા રૂમ નંબર ૧૯ માં બહારથી માણસો બોલાવી, અને અહીં ગંજીપત્તા વડે જુગારનો અખાડો ચલાવીને પોતાના અંગત કાયદા માટે નાલ ઉઘરાવતા આ અંગે સ્થાનિક પોલીસે દરોડો પાડીને અહીંથી હનુભા સીદુભા વાઢેર, બાબુ ભાનુભાઈ ઝાખરીયા, જયેશ ગોવિંદભાઈ ચાવડા, રવાભા ભીમાભા માણેક અને ચંદુભાઈ વલ્લભદાસ સામાણી નામના પાંચ શખ્સોને ઝડપી લઇ, કુલ રૂપિયા ૧૫,૨૦૦ નો મુદ્દામાલ કબજે કર્યો હતો.
અન્ય એક દરોડામાં ભાણવડથી આશરે ૧૨ કિલોમીટર દૂર મોટા કાલાવડ ગામે આવેલા ચોકમાં બેસી અને તીનપતિ નામનો જુગાર રમી રહેલા વલ્લભ પાલાભાઈ ચાવડા, મુકુંદ પીઠાભાઈ કનારા, ભીમા મેપાભાઈ વારોતરીયા, માલદે અરશીભાઈ કરમુર અને સાજણ રાણાભાઈ ગાગલીયા નામના પાંચ શખ્સોને ઝડપી લઇ, કુલ રૂપિયા ૧૧,૭૨૦ નો મુદ્દામાલ કબજે કરી, જુગારધારાની કલમ હેઠળ કાર્યવાહી કરી હતી.
***
ગોકુલનગરમાં બે મહિલા સહિત ચાર જુગારીની અટકાયત: બાતમીના આધારે દરોડો : ૧૦ હજારની રોકડ કબ્જે

જામનગરના ગોકુલનગર વિસ્તારમાં સાયોના શેરી ખાતે તિનપતીનો જુગાર રમતા બે મહિલા સહિત ચારની અટકાયત કરવામાં આવી હતી.
જામનગરના સીટી-સી ડીવીઝન પીઆઇ ચૌધરીની સુચનાથી સ્ટાફ પેટ્રોલીંગમાં હતા ત્યારે સ્ટાફના યશપાલસિંહ, યુવરાજસિંહ તથા શિવભદ્રસિંહને સંયુકત બાતમી મળેલ કે ગોકુલનગર સાયોના શેરીમાં તિનપતીનો જુગાર રમાય છે.
જે બાતમીના આધારે દરોડો પાડીને ગંજીપતા વડે જાહેરમાં જુગાર રમતા સાયોના શેરીમાં રહેતા વિજય રમેશ બારૈયા, રવિ હિંગળાજ લીલાપરા, ચંપાબેન હિંગળાજ લીલાપરા અને ભાવનાબેન વિજય બારૈયાની અટકાયત કરી હતી અને ૧૦૪૭૦ની રોકડ અને ગંજીપતા કબ્જે કરવામાં આવ્યા હતા.