જામનગર ની લોકલ ક્રાઈમ બ્રાન્ચ ની ટીમ સુભાષપરા વિસ્તારમાંથી ગંજી પાના વડે જુગાર રમી રહેલા છ સ્ત્રી પુરુષોને ઝડપી લીધા છે, અને તેઓ પાસેથી જુગારનું સાહિત્ય કબ્જે કર્યું છે.

જામનગરની લોકલ ક્રાઈમ બ્રાન્ચ ની ટીમને ચોક્કસ બાતમી મળી હતી, કે ગઈકાલે સાંજે શંકર ટેકરી સુભાષ પરા વિસ્તારમાં રામ મંદિર ચોક પાસે જાહેરમાં સ્ત્રી-પુરુષો એકઠા થઈને ગંજીપાના વડે હારજીતનો જુગાર રમી રહ્યા છે, જે બાતમીના આધારે દરોડો પાડયો હતો.

જયાંથી ગંજીપાનાનો જુગાર રમી રહેલી ચંપાબેન વિનોદભાઈ કંબોયા, જોસનાબેન જમનભાઈ નંદા, ભગવતીબેન શામજીભાઈ રાઠોડ, મયુરીબેન સુનિલભાઈ કુશવાહા, તનુબેન અરૂણભાઇ પાલા, અને વિનોદભાઈ ભુરાભાઈ કંબોયા સહિત છ પત્તાપ્રેમીઓની અટકાયત કરી લઇ તેઓ પાસેથી રૂપિયા ૪,૮૨૦ ની રોકડ રકમ અને જુગારનું સાહિત્ય કબજે કર્યું છે.