જામનગર જિલ્લાના જામજોધપુર તાલુકાના ગીંગણી ગામમાં રહેતી એક સગર્ભા યુવતીને એકાએક આંચકી ઉપડ્યા બાદ સારવાર દરમિયાન મૃત્યુ નીપજયું છે. જે મામલે પોલીસ તપાસ ચલાવે છે.

 આ બનાવની વિગત એવી છે કે જામજોધપુરના ગિંગણી ગામમાં રહેતી ભાવનાબેન ભગવાનજીભાઈ સોલંકી કે જે ૩૦ વર્ષીય યુવતીને સાત માસનો ગર્ભ હતો, અને તેણીને ગઈકાલે આંચકી આવતાં પરિવારજનો સારવાર માટે જામજોધપુરની સરકારી હોસ્પિટલમાં લઈ ગયા હતા. જ્યાં ફરજ પરના તબીબે તેણી નું મૃત્યુ નીપજ્યું હોવાનું જાહેર કર્યું હતું.

 આ બનાવ અંગે મૃતકના પતિ ભગવાનજીભાઈ સોલંકી એ પોલીસને જાણ કરતાં જામજોધપુર પોલીસે ભાવનાબેનના મૃતદેહ નો કબજો સંભાળી પોસ્ટ મોર્ટમ કરાવ્યું છે, અને તેના લોહીના નમૂનાઓ એકત્ર કરીને ઊંડાણપૂર્વકની તપાસ શરૂ કરવામાં આવી છે.