ગીર સોમનાથ જિલ્લાના ઉના તાલુકામાં રહેતા મનસુખભાઈ મેઘાભાઈ સોલંકી નામના 44 વર્ષના માછીમાર યુવાનને સોમવારે ઓખા નજીકના દરિયામાં બોટમાં હૃદયરોગનો હુમલો આવી જતા તેમનું મૃત્યુ નીપજ્યું હતું. જે અંગેની નોંધ હેમલભાઈ બાંભણિયા (ઉ.વ. 25, રહે. દિવ દમણ) એ ઓખા મરીન પોલીસને કરાવી છે.

દ્વારકામાં વૃદ્ધ મહિલાએ ગળાફાંસો ખાઈને આપઘાત કર્યો

દ્વારકામાં રેલવે સ્ટેશન રોડ પર વિજય ઓઈલ મીલ પાસે રહેતા અજુબેન દેવશીભાઈ આંબાભાઈ વાલવા નામના 80 વર્ષના મહિલાએ કોઈ અકળ કારણોસર સોમવારે મધ્યરાત્રિના સમયે પોતાના ઘરે હૂકમાં સાડી બાંધીને ગળાફાંસો ખાઈ લેતા તેમનો નિષ્પ્રાણ દેહ સાંપડ્યો હતો. આ બનાવ અંગેની જાણ મૃતકના પુત્ર અશોકભાઈ દેવશીભાઈ વાલવા (ઉ.વ. 49)એ દ્વારકા પોલીસને કરી છે.