આ ભવ્ય શિવ શોભાયાત્રામાં જોડાવા અને દર્શનનો લાભ લેવા માટે જામનગરના ધર્મ પ્રેમીઓને હિન્દુ ઉત્સવ સમિતિના અધ્યક્ષ ચતુર્ભુજદાસજી મહારાજ, કાર્યકારી અધ્યક્ષ ધીરૂભાઇ કનખરા તેમજ મહાદેવ હર મિત્ર મંડળ ચેરી. ટ્રસ્ટના પ્રમુખ રાજેશ વ્યાસ (મહાદેવ) ની યાદીમાં જણાવાયું છે.



છોટીકાશીથમાં પરંપરાગત યોજાતી શિવ શોભાયાત્રા ના આયોજન પૂર્વે પંચેશ્વર ટાવરથી ભીડભંજન મહાદેવ મંદિર સુધીની ભક્તિ ફેરી યોજાઈ

જામનગર તા ૧૨, જામનગર શહેરમાં પ્રતિવર્ષ હિન્દૂ ઉત્સવ સમિતિ અને મહાદેવ હર મિત્ર મંડળ ચેરીટેબલ ટ્રસ્ટ ના નેજા હેઠળ પરંપરાગત શિવ શોભાયાત્રાનું આયોજન થાય છે, તે પૂર્વે શોભાયાત્રાના આયોજનને આખરી ઓપ આપવાના ભાગરૂપે યોજાયેલી અંતિમ બેઠક બાદ ભક્તિ ફેરીનું આયોજન કરવામાં આવ્યું હતું. જામનગરના પંચેશ્વર ટાવર નજીક આવેલા ગૌરીશંકર મહાદેવના મંદિરથી ભીડભંજન મહાદેવ મંદિર સુધીની ભક્તિફેરી યોજાઇ હતી.


 હિંદુ ઉત્સવ સમિતિના અધ્યક્ષ સ્વામિનારાયણ સંપ્રદાયના કોઠારી સ્વામી ચતુર્ભુજદાસજી મહારાજ ના આશીર્વચન સાથે આ ભક્તિ ફેરીનું પ્રસ્થાન કરાવવામાં આવ્યું હતું, અને શિવ શોભાયાત્રના આયોજન અર્થે એકત્ર થયેલા બહોળી સંખ્યામાં ઉપસ્થિત શિવ ભક્તોના હાથમાં ભગવા ધ્વજ લઈને અને પહર હર મહાદેવ, ના જયઘોષના ઉચ્ચારણ સહિત પદયાત્રા સાથેની ભક્તિ ફેરી યોજાઈ હતી. આ વેળાએ શિવમ ગ્રુપના પી.ડી. રાયજાદા, પત્રકાર જગતભાઈ રાવલ વગેરે જોડાયા હતા.


ગૌરીશંકર મહાદેવના મંદિરથી પ્રારંભ થઈ નીલકંઠ ચોક, ટાઉનહોલ સર્કલ થઈને ભીડભંજન મહાદેવ મંદિરે પહોંચી હતી, જ્યાં શિવ મંદિરે ભગવાન શિવજીને નમન કરી ફરીથી હર હર મહાદેવના નાદ સાથે ભક્તિ ફેરી પંચેશ્વર ટાવર સ્થિત ગૌરીશંકર મહાદેવના મંદિર નજીક શ્રી રામદૂત હનુમાનજી ના મંદિર ના પ્રાંગણ માં પરિપૂર્ણ થઈ હતી.


 જેમાં મહાદેવ હર મિત્ર મંડળ ચેરી. ટ્રસ્ટના પ્રમુખ રાજુભાઈ  વ્યાસ (મહાદેવ ની આગેવાનીમાં શિવ શોભાયાત્રા ના ક્ધવીનર, સહ ક્ધવીનર, સંકલન સમિતિના સભ્યો,  પાલખી સમિતિના સભ્યો ઉપરાંત અન્ય વિવિધ મંડળ, સંગઠ્ઠન સાથે જોડાયેલા શિવભક્તો બહોળી સંખ્યામાં જોડાયા હતા.


૪૫મી શિવ શોભાયાત્રાના વિશેષ આકર્ષણો

 મહાશિવરાત્રી પર્વે નગરમાં પરિભ્રમણ કરનારી શિવ શોભાયાત્રામાં આયોજક સંસ્થા દ્વારા પ્રતિવર્ષ અવનવા આકર્ષણો ઉમેરવામાં આવતા હોય છે. આ વર્ષે સવિશેષ આકર્ષણ ભગવાન આશુતોષજીની મુખ્ય પાલખીની સાથે રજત મઢીત અને સુવર્ણ ના કુંડળ વળી  મહાદેવની ૬ ફૂટ ના કદની પછડીથ રહેશે. 


કારણ કે, રજતમઢિત પાલખીમાં રજતના શિવજીની મૂર્તિને શુધ્ધ સુવર્ણના અનેક આભૂષણો પરિધાન કરાવવામાં આવશે. શિવ શોભાયાત્રામાં જોડાતી પાલખીમાં બિરાજમાન શિવજીના આશુતોષ સ્વરૂપની પ્રતિમા પ્રત્યેક ભકતજનો વિશેષ આસ્થા ધરાવતા હોય છે. સંપૂર્ણ ચાંદીમાંથી બનાવેલી આ મૂર્તિની સાથે તાજેતરમાં શુધ્ધ સોનાના શિવજીના પરંપરાગત અલંકારો લગાડવામાં આવ્યા છે.


 મહાદેવ હર મિત્ર મંડળ સાથે જોડાયેલા જયેશભાઈ બદીયાણીના પરિવાર દ્વારા અર્પણ કરાયેલી સાગના લાકડાની પાલખી પર પૂર્વ સાંસદ વિક્રમભાઈ માડમના અનુદાનથી સમગ્ર પાલખીને રજત મઢીત બનાવાઈ છે. 


ઉપરાંત મહાદેવ હર મિત્ર મંડળ ચેરિટબલ ટ્રસ્ટને ભાવિકો દ્વારા ધરવામાં આવેલી રકમ ઉપરાંત જામનગરના રાજયમંત્રી ધર્મેન્દ્રસિંહ જાડેજા (હકુભા)ના આર્થિક યોગદાનથી સુવર્ણનું ત્રિશૂલ, ડમરું, લલાટમાં ત્રીજું નેત્ર તેમજ શેષનાગ આશુતોષ ભગવાનને અર્પણ કરવામાં આવ્યા છે. તદ્ઉપરાંત જામનગરના સાંસદ પૂનમબેન માડમ દ્વારા મસમોટું સુવર્ણનું છત્ર શિવાર્પણ કરવામાં આવ્યું છે. આ મૂર્તિની સાથે સુવર્ણ મઢીત રૂદ્રાક્ષની માળા તથા કુંડળ પણ અર્પણ કરાયેલા છે, ઉપરાંત સોનાથી મઢીત શિવજીની પાઘડી તૈયાર કરવામાં આવી છે.જ્યારે રજત મઢીત ભગવાન શિવજીનું સિંહાસન પણ તૈયાર કરાયું છે. જેની સાથે સાથે  રૂા. આઠ લાખના ખર્ચે આશુતોષજી મહાદેવ સુવર્ણ યજ્ઞોપવિત (જનોઇ) તૈયાર કરવામાં આવી છે. શિવશોભા યાત્રામાં સમગ્ર સુવર્ણ અલંકારોથી સજ્જ કરીને આશુતોષજીનું સ્વરૂપે દર્શનાર્થે મુકવામાં આવશે.

​​​​​​​

ત્યારે આ વર્ષે નવા આકર્ષણ રૂપે ભગવાન શિવજીની પાલખી સાથે આકર્ષક રજત મઢીત પછડીથ તૈયાર કરાઈ છે, જેમાં પણ અનેક શિવભક્તોનું અનુદાન પ્રાપ્ત થયું છે, અને પ્રથમ વખત તૈયાર કરીને શોભાયાત્રામાં જોડવામાં આવશે, જેમાં સોનાના કુંડળ લગાવાયા છે. આ શિવરાત્રીએ જામનગરના શિવ પ્રેમી ભકતગણ સુવર્ણ અલંકારોથી સજ્જ શિવજીના દર્શન નિહાળી ગદગદ થશે.​​​​​​​


શિવ શોભાયાત્રામાં નવા આકર્ષણ રૂપે ભગવાન શિવજીની છ ફૂટના કદની રજત મઢીત પછડીથ તૈયાર કરાઈ

નગરમાં મહાશિવરાત્રીના પર્વના દિવસે યોજાતી શિવ શોભાયાત્રામાં પ્રતિવર્ષ અવનવા આકર્ષણો ઊભા કરવામાં આવે છે, ત્યારે આ વખતે મહાદેવ હર મિત્ર મંડળ ચેરીટેબલ ટ્રસ્ટ દ્વારા ભગવાન શિવજી ની છ ફૂટના કદની આશરે સાડા ત્રણ કિલો રજત મઢીત પછડીથ તૈયાર કરવામાં આવી છે, જેને ગઈકાલે ખુલ્લી મુકવામાં આવી હતી.

 સ્વામીનારાયણ સંપ્રદાયના કોઠારી સ્વામી ચતુર્ભુજદાસજી મહારાજ, જામનગરના દક્ષિણ વિધાનસભા વિસ્તારના ધારાસભ્ય દિવ્યેશભાઈ અકબરી, જામનગર જિલ્લા સમસ્ત બ્રહ્મ સમાજના પ્રમુખ આશિષભાઈ જોશી, જામનગર શહેર પ્રમુખ સુનિલભાઈ કનૈયા, પત્રકાર જગતભાઈ રાવલ, શિવમ ગ્રુપના પી.ડી. રાયજાદા, જાખરના અગ્રણી પી.એમ. જાડેજા વગેરે મહાનુભાવોની ઉપસ્થિતિમાં પછડીથને ખુલ્લી મૂકવામાં આવી હતી, અને આગામી શિવરાત્રીના પર્વ ના દિવસે આશુતોષ મહાદેવ ની પાલખીની સાથે સાથે પછડીથ પણ નવરજનોના દર્શન માટે શિવ શોભાયાત્રા દરમિયાન જોડવામાં આવશે.

શોભાયાત્રાના સંચાલન માટે સંકલન સમિતી રચાઇ

હિન્દુ ઉત્સવ સમિતી અને મહાદેવ હર મિત્ર મંડળ દ્વારા શુક્રવારે યોજાનારી શિવ શોભા યાત્રાના સફળ સંચાલન માટે સંકલન સમિતીની રચના કોઠારી સ્વામી ચતુર્ભુજદાસજી મહારાજની હાજરીમાં કરવામાં આવી હતી, જેના ક્ધવીનર તરીકે પ્રજ્વલ પાલન, તેમજ સહ ક્ધવીનર તરીકે આશિષ નકુમ તથા હિરેનભાઈ માતંગ ની નિમણુંક કરવામાં આવી હતી તેમજ દિલીપભાઇ આહીર, જીગરભાઇ રાવલ, પ્રતિકભાઇ ભટ્ટ, પિયુષભાઇ કટેશીયા, રમેશભાઇ વેકરીયા, માંડણભાઇ કેશવાલા, રાજુભાઇ ભુવા, બ્રીજેશ નંદા, સંદીપ વાઢેર, નંદલાલ કણઝારીયા, રાહુલ જોશી, મનિષભાઇ સોઢા, સંદિપભાઇ વાઢેર, વ્યોમેશ લાલ, કમલેશ પંડયા, દિપક ગાંધી, ભાર્ગવ પંડયા, હેમલ ગુસાણી, જીમીભાઇ ભરાડ, નિરૂભા જાડેજા, જીતુભાઇ ગાલા, મિતેષભાઇ મહેતા, ચીરાગ ઓઝા, જસ્મીનભાઇ વ્યાસ, દિપેશ કણઝારીયા, પ્રતીક કટેશીયા, પ્રતિક ભટ્ટ, રાજ ત્રિવેદી, રાહુલભાઇ નંદા, અમર દવે, વૈભવ રાવલ, અશોક મકવાણા, જય શીસાંગિયા, પાર્થ રાવલ, કરણ ઓઝા, સાજન રાઠોડ, વિજય સોઢા, તેજસ ચાવડા, આશિષ નકુમ, ભાવિન ભોજાણી વગેરેની નિમણુંક કરવામાં આવી છે. જેઓ દ્વારા સમગ્ર શોભા યાત્રાનું સંચાલન કરવામાં આવશે.જુસાભેર તેમજ આસ્થા સાથે જોડાય છે 


ઉપરાંત અનેક શિવ ભક્તો દ્વારા ભગવાન આશુતોષજીની પાલખીનું પુજન કરાશે અને તેઓ દ્વારા ભગવાન શિવજીને અલગ અલગ ૩૪ જેટલા ચલણી નોટોનો હાર પહેરાવી ઉમળકાભેર સ્વાગત કરવામાં આવશે. જેથી આ વખતની શિવશોભા યાત્રામાં અનેરો ઉત્સાહ જોવા મળશે.


શોભાયાત્રા ના સંચાલન માટે ક્ધવીનર તેમજ બે સહ-ક્ધવીનરની નિયુક્તિ કરાઈ

જામનગર શહેરમાં સતત ૪૫ મા વર્ષે પરંપરાગત રીતે યોજાનારી શિવ શોભાયાત્રાના સંચાલન અર્થે સંકલન સમિતિની રચના કરાઈ છે, જ્યારે  ક્ધવીનર તેમજ સહ ક્ધવીનરની નિયુક્તિ કરાઈ છે જેમાં ક્ધવીનર પદે પ્રજ્વલભાઈ પાલનની નિયુક્તિ કરવામાં આવી છે. જેઓને સ્વામિનારાયણ સંપ્રદાયના કોઠારી સ્વામી ચતુર્ભુજદાસજી મહારાજના હસ્તે દંડ ની સોંપણી કરવામાં આવી હતી.

 આ ઉપરાંત સહ ક્ધવીનર તરીકે આશિષભાઈ નકુમ, કે જેને પત્રકાર જગત ભાઈ રાવલ દ્વારા દંડ સોપાયો હતો, અને બીજા સહ સહ ક્ધવીનર તરીકે હિરેનભાઈ માતંગની નિમણૂક કરીને શિવમ ગ્રુપના પી.ડી. રાયજાદા ના હસ્તે દંડ સોંપવામાં આવ્યો હતો. જે ત્રણેય દ્વારા શિવશોભા યાત્રા નું સંચાલન કરવામાં આવશે.