ગીરવે રાખેલુ એકટીવા બાઇક કબ્જે લેતી પોલીસ

જામનગર શહેરમાં મની લોન્ડ્રીંગ અંગેનો ગુનો દાખલ થતા પોલીસ દ્વારા આ દિશામાં સધન તપાસ આદરવામાં આવી હતી દરમ્યાન એક શખ્સને ગુનામા ગયેલ એકટીવા સાથે પકડી પાડી આગળની કાર્યવાહી હાથ ધરી છે.

જામનગર શહેરમાં ઇલીગલ મની લેન્ડીંગ એકટીવીટી વિરુઘ્ધ કડક કાર્યવાહી કરવા જીલ્લા પોલીસવડા પ્રેમસુખ ડેલુ તથા નાયબ પોલીસ અધિક્ષક જે.એન. ઝાલાની સુચના અને સીટી-બી પીઆઇ પી.પી. ઝાના માર્ગદર્શન મુજબ હનુમાન ગેઇટ પોલીસ ચોકી સ્ટાફના માણસો પ્રયત્નશીલ હતા.

જામનગર સીટી-બી ડીવીઝનના આઇપીસી કલમ 384, 504, 506(2), 427 તથા ગુજરાત નાણા ધીરધારની કલમ 5, 39, 40, 42 મુજબનો ગુનો દાખલ થયેલ હોય, આ કામે ફરીયાદીના માલીકીનું એક એકટીવા મોટરસાયકલ આરોપી જયદીપસિંહ રહે. જામનગરએ ગીરવે રાખી લઇ જતા ઉપરોકત નંબરથી ગુનો દાખલ થયેલ હોય.

સદર ગુનાના આરોપીને શોધી કાઢવા હનુમાન ગેઇટ ચોકી સ્ટાફના માણસો પ્રયત્નશીલ હતા દરમ્યાન આરોપી જયદીપસિંહ જીતેન્દ્રસિંહ સિસોદીયા (ઉ.વ.28) રહે. નવાગામ ઘેડ, માતૃ આશિષ સોસાયટી જામનગરવાળાને એકટીવા મોટરસાયકલ કિ. 30 હજાર ગણી કબ્જે કરી તેમજ આરોપીને પીએસઆઇ ડી.જી. રાજએ ધોરણસર અટક કરી આગળની તપાસ હાથ ધરી છે.