જામનગર જિલ્લાના કાલાવડ તાલુકાના શીશાંગ ગામ પાસે રાજકોટના એક યુવાનનું બાઈક સ્લીપ થઈ જતાં હેમરેજ થવાથી ઘટના સ્થળેજ કરુણ મૃત્યુ નીપજ્યું છે.

આ અકસ્માતના બનાવની વિગત એવી છે કે રાજકોટમાં પંચવટી નગરમાં રહેતા હિમાંશુભાઈ દિપકભાઈ પરમાર (ઉ.વર્ષ ૪૫) કે જેઓ ગઈકાલે પોતાનું બાઈક લઈને કાલાવડ રાજકોટ રોડ પરથી પસાર થઈ રહ્યા હતા, જે દરમિયાન શીશાંગ ગામના પાટીયા પાસે એકાએક તેઓનું બાઇક સ્લીપ થઈ જતાં તેઓને માથાના ભાગે હેમરેજ સહિતની ગંભીર ઇજા થઈ હતી, અને કરુણ મૃત્યુ નીપજયું છે.

આ બનાવ અંગે મનોજભાઈ ગોવિંદભાઈ દુબલે પોલીસને જાણ કરતાં કાલાવડ ગ્રામ્ય પોલીસે મૃતદેહનો કબજો સંભાળી વધુ તપાસ હાથ ધરી છે.