ઢીકાપાટુ અને કડુ માર્યાની બે પાડોશી શખ્સ સામે રાવ

જામનગરના રણજીતસાગર રોડ પ્રણામી ટાઉનશીપ પાસે ગાડી સરખી ચલાવવાના મામલે બબાલ થતા કુંભાર યુવાનને માર માર્યાની આ વિસ્તારમાં રહેતા બે શખ્સ સામે ફરીયાદ નોંધાવવામાં આવી છે.
જામનગરના રણજીતસાગર રોડ, પ્રણામી ટાઉનશીપ ૧, શેરી નં. ૨માં રહેતા સંજય ધીરેનભાઇ ધંધુકીયા (ઉ.વ.૨૦) નામનો યુવાન તા. ૨૩ના બપોરના અઢી વાગ્યાના સુમારે પોતાના ઘર બહાર નીકળતા આરોપી હિતેશ તેની એકસેસ બાઇક પુરઝડપે અને બેફીકરાઇથી ચલાવી ફરીયાદીના પગમાં ઠોકર મારી નીચે પછાડી દીધો હતો.
આથી સંજયએ તેને કહેલ કે આમ ગાડી ચલાવાય ? આથી આરોપી ઉશ્કેરાઇ જઇ અપશબ્દો કહયા હતા, દરમ્યાન બીજો આરોપી ત્યા આવી જતા બંનેએ એક સંપ કરી, ગાળો આપી માર માર્યો હતો અને હાથમાં પહેરવાના કડા વડે સંજયને માથામાં ઇજા પહોચાડી હતી.
સંજયભાઇએ આ બનાવ અંગે સીટી-એ ડીવીઝનમાં રણજીતસાગર રોડ પ્રણામી ટાઉનશી ૧ શેરી નં. ૨માં રહેતા હિતેશ જોઇસર અને રવિ જોઇસર નામના બે શખ્સો સામે ફરીયાદ નોંધાવી છે.