2002 માં, વિશ્વની સૌથી સુંદર મહિલાઓમાંની એક, બ્યુટી ક્વીન ઐશ્વર્યા રાય બચ્ચન, પહેલી વાર કાન્સના રેડ કાર્પેટ પર ચાલી હતી. પીળી સાડીમાં પોતાની દેવદાસ ટીમ સાથે કાન્સમાં પહોંચેલી આ અભિનેત્રીએ બધાનું ધ્યાન ખેંચ્યું હતું. હવે 23 વર્ષ પછી, તે પોતાના જૂના આકર્ષણ સાથે પાછી ફરી છે.

આ વર્ષના કાન્સ ફિલ્મ ફેસ્ટિવલના પહેલા દિવસે ઐશ્વર્યા રાય બચ્ચને પોતાના ભારતીય લુકથી બધાનું ધ્યાન ખેંચી લીધું. સફેદ બનારસી સાડી પહેરેલી ભૂતપૂર્વ મિસ વર્લ્ડે ચાંદી અને ગુલાબી સોનાની મલ્ટીલેયર જ્વેલરીથી પોતાનો લુક પૂર્ણ કર્યો. મનીષ મલ્હોત્રાએ ડિઝાઇન કરેલી સાડી સાથે અભિનેત્રીનો એકંદર દેખાવ તેના વાળમાં સિંદૂર લગાવવાથી વધુ સુંદર બન્યો હતો.

બીજા દિવસે પણ ઐશ્વર્યા રાય બચ્ચને સાબિત કરી દીધું છે કે તે કાન્સની રાણી છે. પહેલા દિવસે તે ટ્રેડિશનલ લુકમાં જોવા મળી હતી, તો બીજા દિવસે તેણે પોતાનો બોલ્ડ લુક બતાવ્યો, પરંતુ ભારતીય સંસ્કૃતિ સાથે. કાન્સના બીજા દિવસે તેણીએ કાળો ગાઉન પહેર્યો હતો અને તેને ચાંદીના કેપથી સ્ટાઇલ કર્યો હતો. તેણીએ સ્ટેટમેન્ટ ઇયરિંગ્સ સાથે પોતાનો લુક જાળવી રાખ્યો.

રસપ્રદ વાત એ છે કે, આ વખતે કાન્સમાં, ઐશ્વર્યા રાયે મીડ-પાર્ટેડ સીધી હેરસ્ટાઇલ રાખી ન હતી પરંતુ વન સાઈડ પાર્ટેડ સોફ્ટ વાંકડિયા વાળ સાથે પોતાનો લુક મોર્ડન લુક સાથે પૂર્ણ કર્યો અને લાલ લિપસ્ટિક તેના આખા લુકને વધુ આકર્ષક બનાવી રહી હતી. ઐશ્વર્યાના આખા લુકમાં સૌથી ખાસ વાત તેનો બનારસી હાથીદાંત રંગનો કેપ હતો જેના પર સંસ્કૃતમાં ભગવદ ગીતાનો એક શ્લોક લખેલો હતો. ઐશ્વર્યા રાયનો નવો લુક સોશિયલ મીડિયા પર વાયરલ થઈ રહ્યો છે અને લોકો તેના વખાણ કરી રહ્યા છે.