ઓખા મંડળના મીઠાપુરમાં રહેતા કનૈયાભાઈ ઉર્ફે સામરાભાઈ હાથીયા ગત તારીખ 12-10-2024 ના રોજ બપોરના સમયે પોતાનું વાહન રાખીને પોતાના મિત્રો સાથે ચા પીવા માટે ગયા હતા, ત્યારે આરોપી રાહુલ ધનાભાઈ રોશિયાએ ત્યાં જઈને ફરિયાદીને બિભત્સ ગાળો કાઢી, ફડાકા ઝીંકી લીધા હતા. આ પછી ફરિયાદીના એક્ટિવા તથા તેની ડેકીમાં રાખેલા રૂપિયા 5,000 ની લૂંટ ચલાવીને જાનથી મારી નાખવાની ધમકી આપવા અંગે મીઠાપુર પોલીસ મથકમાં ધોરણસર ફરિયાદ નોંધાવવામાં આવી હતી.

આ પ્રકરણમાં આરોપી રાહુલ ધનાભાઈની અટકાયત બાદ તેના દ્વારા ઓખાની અદાલતમાં જામીન માટેની અરજી કરાતા આ પ્રકરણમાં આરોપી તરફે વિદ્વાન વકીલ જીતેન્દ્રભાઈ કે. હિંડોચા વિગેરે દ્વારા કરવામાં આવેલી દલીલો સહિતની બાબતોને ધ્યાનમાં લઈને આરોપી રાહુલ ધનાભાઈ સામે અગાઉ 16 જેટલા ગુનાઓ નોંધાયા હોવા છતાં વિવિધ પાસાઓને તપાસી અને એડિશનલ સેશન જજ શ્રી કે.જે. મોદી દ્વારા આરોપીને જામીન મુક્ત કરવા માટેનો હુકમ કરવામાં આવ્યો હતો.